Jeremia 33:17 - JAM DE NHIALIC 2011

¹⁷ Yɛn cï gutguut lueel Yɛn Bɛ̈nydït, nɔn bï yen dɛ kuat ë Debid bï aa tɔ̈u në thööny de baai de Yithriɛl nɔm.

Jeremia 33:17 ပူးပေါင်းရင်းမြစ်များ

2 Tham 3:29

Ku kënë abï tɔ̈u në Jowap yeth kekë dhiënde ku aciɛɛn abï tɔ̈u kekë dhiënde ë cieŋ, abïk gup dɛ wɛth, ku abïk gup dɛ jur, ku abïk aa dhiëëth wei, ku thoukï tɔŋ, ku näk cɔk keek!”

2 Tham 7:12

Të lee yïn thou ku biɔth kuarkun cök. Yɛn bï mɛnh tök ë mïthku yiic tɔ ye melik ë nyindu yic, ku Yɛn bï ciɛɛŋde tɔ ril.

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

1 Mel 8:25

Ku ënɔɔnë Bɛ̈nydït Nhialic de Yithriɛl, kë cï lɛ̈k, Debid wäär raanduön ee Yï luööi, cök ë muk Yïn en, kë ɣɔn lueel an, Yïn cïï bï ciën raan ë Yanɔm, raan bï nyuc ë thööny ë Yithriɛl nɔm, na ye mïthku röt tiit në kueer bïk bɛ̈n aa rëër ë Yanɔm cït man ye yïn rëër ë Yanɔm.

2 Mel 11:2

Acïn raan cï bɛ̈n tɔ poth ë thuɔɔuwic në mïth ke melikiic ɣɔn nɛ̈k ë Athalia keek man wuönden, ee Jowac yetök wën ɣɔn gɔp ë wɛcë yic Jeɣoceba, nyan ë melik Joram, ku ee nyan ë wun Aɣadhia. Aa jɔt kekë tiiŋ ee ye meth thuɛ̈ɛ̈t, ku leer ë biök nïïm, biök nu ɣön tɔ̈u në kal ë Luaŋdït yic, ku thiɛɛn në Athalia ke cï bï nɔ̈k.

1 Lëk 17:27

Yïn bä thiëc bä kuatdï thieei, në biäk bïï kek ŋoot ke ke yök piathdu. Acï keek thieei Bɛ̈nydït, ku athiɛɛidu abï tɔ̈u ke keek aɣet athɛɛr.”

Diɛt 132:12

Na gam mïthku mändï ku gamkï liööŋ cä gäm keek, wɛ̈ɛ̈tken aya abïk lɔ̈ɔ̈k aa meliik ëceŋ aya në yïcök.”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 17:25

Ku ëtɛ̈ɛ̈n meliiken ku wɛ̈ɛ̈t meliiken abïk aa tɛ̈ɛ̈k ë kɛ̈l ke Jeruthalem thook, ku dekkï nïïm riɛl de bääny wään tɔ̈u ke Debid. Abïk kɛɛc në abëëliic ku jöŋgöör kɔ̈ɔ̈th, ëtök në kɔc ke Juda, ku kɔc ke Jeruthalem, ku pänydïït de Jeruthalem abï yic thiäŋ ke kɔc aköölnyïïn ëbɛ̈n.

Jeremia 35:19

Ka ënɔɔnë, Yɛn Bɛ̈nydït de rɛm, Nhialic de Yithriɛl, Yɛn luel gutguut an Jonadap wën de Rekap abï nɔm aa dɛ mɛwä në wɛ̈ɛ̈tke yiic, raan bï Yɛn aa luööi.”