Jeremia 33:16 - JAM DE NHIALIC 2011

¹⁶ Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Jeremia 33:16 ပူးပေါင်းရင်းမြစ်များ

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 50:7

Aye keek mak në kak ee keek yök ëbɛ̈n. Aye kɔc ke aterden lueel an, ‘Acïk awäc luöi Bɛ̈nydïïtden, ka Yen acïn awäny cuk looi. Kuarken aake ye Bɛ̈nydït ŋɔ̈ɔ̈th, ku keek adï cïk ŋoot ke ke ye adööt tëde Yen.’

Edhekiɛl 28:26

Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Edhekiɛl 38:8

Të lee run juëc wan abä yɔ̈ɔ̈k bïï baai lɔ peec, të wään cï ë kɔc bɛ̈ɛ̈i ciëën tëtök, në juöör juëc yiic ku rëërkï ke cïn riɔ̈ɔ̈c de tɔŋ. Abï kur ke Yithriɛl peec, kur wään cï nyääŋ piny ɣɔn thɛɛr, ku ënɔɔnë kac arëërkï ke ke cïn riɔ̈ɔ̈c.

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.

Nyöŋ 33:28

Ago mïth ke Yithriɛl jɔ rëër në mätic, aa awaŋ de Jakop yetök, aake rɛ̈ɛ̈r apiɛth piny thiäŋ ke rap ku mɔ̈u, të ye thäny ee bɛ̈n nhial piny piɔɔk në pïïu.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho: