Jeremia 33:11 - JAM DE NHIALIC 2011

¹¹ awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 33:11 ပူးပေါင်းရင်းမြစ်များ

1 Lëk 16:34

Gamkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr.

1 Lëk 16:8

Lɛckï Bɛ̈nydït, luɛɛlkï dïtde, lɛ̈kkï juöör ka cï ke looi,

2 Lëk 20:21

Na wën aa cï kë lueel ë kɔc piŋ, ke melik ë cɔl kɔc ee diɛt ket bïk lupɔɔkɛn bär tääu, lupɔɔ ke kööl de dhuëëŋ ɣeric, ku lekï tueŋ në rem ë tɔŋ nɔm, ke ke leec Bɛ̈nydït në diɛt an, “Lɛckï Bɛ̈nydït! Nhiëërdɛn agɔk atɔ̈u athɛɛr!”

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 7:3

Na wën cï mïth ke Yithriɛl mac tïŋ ke löny nhial ku thiäŋ ɣɛɛr Luaŋdïtic, gokï kenïïm guöt piny, ke ke lam Bɛ̈nydït, ku leckï nɔm ku piɔnykï an, “Yen apiɛth, ku nhiëërdɛn agɔk atɔ̈u athɛɛr.”

Edhr 6:22

Ku jɔkï dhuëëŋ looi në nïn kadhorou, Dhuëëŋ de Kuïn Cïnic Luɔu, ku thiäŋ Bɛ̈nydït kepiɔ̈ɔ̈th në miɛt ë piɔ̈u në biäk cïï Yen Melik de Athiriya puɔ̈k piɔ̈u keek, ago keek kuɔny në luɔi de ɣön ë Nhialic de Yithriɛl.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Neɣe 8:12

Go raan ëbɛ̈n jɔ lɔ baai ku ciëm, ku dëk në miɛtëpiɔ̈u ku jɔkï këriëëc ëbɛ̈n rɔm ë kɔc kɔ̈k, në biäk cïï kek en yökic yen kën ë kuënë keek.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 107:22

Abïk Bɛ̈nydït dhil gäm miɔ̈c de thieithieei, ku në diɛt ke miɛtëpiɔ̈u abïk ka cï looi kedhie nyuɔɔth.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Diɛt 147:13

Ee kɛ̈lku tiit thook aril, Ee kɔckun thieei.

Diɛt 85:7

Bɛ̈nydït nyuöthë wook nhiëërduön agɔk, ku miɔc wook në kuɔɔny de luääk.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 52:8

Kɔc ee pänydït tiit në ayek wuou në miɛtëpiɔ̈u! Ayek tïŋ në kenyïïn, yen luɔi puk ë Bɛ̈nydït yenɔm Dhiɔn!

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Jeremia 16:9

Piŋ kë lueel ë Bɛ̈nydït de rɛm, Nhialic de Yithriɛl. Yɛn bï röl de dhuëëŋ ku miɛtëpiɔ̈u de monythiëk ku nyan thiak miɛɛm. Kɔc abïk pïïr ee tënë në biäk bïï kek ee kakë tïŋ.

Jeremia 17:26

Kɔc abïk aa bɛ̈n në wuöt ke Juda yiic, ku në wuöt thiääk ë Jeruthalem, abïk aa bɛ̈n piny de Benjamin, ku në kur thäär, ku piny ë kuur, ku në Juda të lɔ wöuwic. Abïk ɣöndiën ë Bɛ̈nydït yiɛ̈n yic miɔ̈c ye nyop ëbɛ̈n, ku miɔ̈c näk, ku miɔ̈c ë rap ku wal ŋïr, ku miɔ̈c de thieithieei.

Jeremia 25:10

Yɛn bï diɛtkɛn ke miɛtëpiɔ̈u tɔ lɔ lik kekë awuɔɔu ë miɛtëpiɔ̈u ë dhuëëŋ de monythiëk ku nyan thiak. Abïk nïïm ciën miök de mɛ̈ckealath, ku abï ciën rap.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 33:7

Yɛn bï Juda kekë Yithriɛl tɔ kueth, ku abä ke bɛ yïk cït man wään tueŋ.

Jeremia 7:34

Piny abï aa jɔ̈ɔ̈r. Ku Yɛn bï awuɔɔu de miɛtëpiɔ̈u, ku diɛt piɛth ke dhuëëŋ de monythiëk ku nyan thiak, abä keek tɔ kääc në pɛ̈ɛ̈nydït ke Juda ku kuɛɛr ke Jeruthalem yiic.

Amoth 9:14

Yɛn bï kɔckiën ke Yithriɛl cï lɔ në pɛ̈cic bɛ pɔ̈k nïïm ciëën pinyden. Ku bïk pɛ̈ɛ̈nydïtkɛn cï riääk bɛ nyɔk në yïk, ku ɣapkï keek, abïk duum ke enap com, ku dëkkï në mɔ̈nde, abïk duum ke tiim aa com, ku camkï mïth ke tiim.

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”