Jeremia 32:5 - JAM DE NHIALIC 2011

⁵ Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Jeremia 32:5 ပူးပေါင်းရင်းမြစ်များ

2 Lëk 13:12

Nhialic guöpde ee yen ee Bɛ̈nydïïtda, ku bänykɛn ke kake Nhialic atɔ̈ukï ee tënë ke ke muk kɛŋ, acïk röt coc bïk kɛŋ kooth, ku ciɛɛlkï wook tɔŋ buk piɔ̈t në week. Kɔc ke Yithriɛl piɛŋkï apiɛth, duökï piɔ̈t ë Bɛ̈nydït, Nhialiny de kuarkun! Wek cïï duëër kɔn tiam!”

2 Lëk 24:20

Na wën ke wëi ke Nhialic ë ke bɔ̈ në Dhekaria guöp, wën ë Jeɣoyada bɛ̈ny de kake Nhialic. Go lɔ kɔ̈ɔ̈c ë kɔc nïïm nhial ku cööt ë röldït an, “Bɛ̈nydït Nhialic ee lop, an eeŋö rɛɛc wek lööŋkï ku bɛ̈ɛ̈ikï riääk ë we gup! Acäk nyääŋ piny, ku acï week nyääŋ piny aya!”

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Jeremia 2:37

Wek bï röt yal wei tëde kɔc ke Rip, ke we cï gup yäär. Yɛn Bɛ̈nydït, Yɛn cï kɔckuön yak keek ŋɔ̈ɔ̈th rɛɛc, acïn kë bäk yök tëde keek.”

Jeremia 27:22

Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 32:6

Go jam de Bɛ̈nydït bɛ̈n tëde yɛn an:

Jeremia 33:5

Kɔc kɔ̈k abïk thɔ̈ɔ̈r ë Babilonia, ku abïk ɣööt thiɔ̈ɔ̈ŋ yiic ë gup ke kɔc cï thou, kɔc bä keek yuöp piny në agönhdï kekë diu de piɔ̈u. Yɛn cï rɔt yal wei në ee pänydïïtë në biäk de karɛc cï kɔcke looi.

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 39:4

Wën cï Dhedekia melik kekë bänyke kedhie kë loi rɔt tïŋ, gokï them luɔi bïï kek röt kual wei ë pänydïtic wakɔ̈u. Gokï tëëk në kueer ë dom ë bääny, tëkkï në kaam de kueer ee kɛ̈l kaarou rek, ku jɔkï röt kual ë kueer të lɔ wak de Jordanic.

Jeremia 39:5

Go rem de tɔŋ de kɔc ke Babilonia ke cop, agokï Dhedekia lɔ dɔm në riaaŋ thiääk ke Jeriko. Agokï yiɛ̈n Nebukadnedhar melik de Babilonia, ke rëër në pänydït de Ribila piny de Ɣamath, go Nebukadnedhar löŋde teem ëtɛ̈ɛ̈n.

Jeremia 39:7

Ku në ee kakë cök, ke tɔ nyïïn ke Dhedekia luëlë bei, ku tɔ rek në joth ke bïï lɛɛr Babilonia.

Dhiëëu 1:14

“Acï karɛckï ŋic kedhie ku duut keek ëbɛ̈n tëtök. Ku nɔ̈ɔ̈k keek ë yayeth, aguɔ jɔ kɔ̈c në ɣɔ̈ɔ̈cden. Bɛ̈nydït acï yɛn gäm kɔc ke aterdï, ka yɛn cï nɔm ciën kony ë kenïïm.

Edhekiɛl 12:12

Wën melik mac päny keek abï kakɛn cï duut ɣääc në mɔ̈ɔ̈thic ku kuɛl rɔt të ɣɔ̈ɔ̈r cïk wɛ̈c en në päny kɔ̈u. Abï yenyin kum ku acïï të le yen thïn bï tïŋ.

Edhekiɛl 12:13

Ku yɛn bï bɔidï thieth ku dam thïn. Ku ja lɛɛr pänydït de Babilon, të bïï yen lɔ thou thïn ke kën tïŋ.

Edhekiɛl 17:15

Ku melik de Juda acï löŋ bɛ̈n rɛɛc, ku tooc kɔcke Rip bïk yen lɔ yiɛ̈n jöŋgöör ku remdïït de tɔŋ. Bïï tiam? Duëër jäl kekë ee kakë? Acïï löŋ cï mac duëër dhoŋ kɔ̈u ku jiël ke cïï luiyë këtuc!

Kuɛ̈n 14:41

Go Mothe ke jɔ̈ɔ̈ny lueel an, “Tiëŋkï, wek be ŋoot ke we reec Bɛ̈nydït thok ënɔɔnë, ka bäk tiam adï?