Jeremia 32:41 - JAM DE NHIALIC 2011

⁴¹ Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 32:41 ပူးပေါင်းရင်းမြစ်များ

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Yith 65:19

Yɛn guöpdï Yɛn bï thiäŋ wo miɛtëpiɔ̈u në biäk de Jeruthalem ke kɔcke. Abï ciën dhiëëu ëtɛ̈ɛ̈n, ku raan kɔɔr kuɔɔny.

Jeremia 18:9

Ku na cä lueel, nɔn kaar Yɛn bä jur ku nɔn ee ciɛɛŋ com ku yiëk,

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Edhekiɛl 36:36

Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Amoth 9:15

Abä ke wɛc thäär piny pinyden. Ku cïn raan bï ke bɛ nyuän thäär bei pinydɛn cä gäm keek. Ee kë cï ë Bɛ̈nydït Nhialicdun lueel.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 30:9

Ku ëtɛ̈ɛ̈n Bɛ̈nydït Nhialicdun abï week tɔ kueth aläl në luɔi de wecin ku abï week tɔ kɛɛr ayï daau ke ɣɔ̈kkun ayï rɛɛp ke pinydun abïk juëc. Ku Bɛ̈nydït abï piɔ̈u bɛ miɛt kekë week ku tɔ week kueth, cït man wään ee yen piɔ̈u miɛt kekë wärkun.