Jeremia 32:40 - JAM DE NHIALIC 2011

⁴⁰ Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Jeremia 32:40 ပူးပေါင်းရင်းမြစ်များ

2 Tham 23:4

acït ɣɛɛr de aköl amiäk ee riau të cïn luät, aköl ee wal tɔ lɔ bilbil të cïï deŋ thëu.”

Diɛt 80:19

Pɔ̈kë wonïïm ciëën. Bɛ̈nydït Nhialic Awärjäŋ. Nyuöthë wook kokdepiɔ̈ndu, ke wo bïï luök.

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Edhekiɛl 36:26

Wek bä ke gäm piɔ̈ɔ̈th cï piac cak ku nïïm cï piac looi. Yɛn bï riɛl ë nɔmduön cït kuur nyaai ku gäm week piɔ̈n de riëëu.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Ɣeberuu 7:24

Yen Yecu acïï bï thou ku atɔ̈u ke pïïr anande ke ye Bɛ̈ny ë kake Nhialic aɣet athɛɛr.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.