Jeremia 32:35 - JAM DE NHIALIC 2011

³⁵ Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 32:35 ပူးပေါင်းရင်းမြစ်များ

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 15:26

Acï kërac looi në Bɛ̈nydït nɔm cït wun, ago kɔc ke Yithriɛl tɔ wäc.

1 Mel 15:30

Kënë ë rɔt looi në biäk cï Jerobowam Bɛ̈nydït, Nhialic de Yithriɛl tɔ göth, në karɛc cï ke looi, ku tɔ Yithriɛl loi kërac.

1 Mel 16:19

Kënë aa loi rɔt në biäk de awänydɛn cï luöi Bɛ̈nydït, cït man de raan ɣɔn kɔn aa bɛ̈ny në yenɔm tueŋ, Jerobowam aacï Bɛ̈nydït tɔ cïn miɛtëpiɔ̈u, në karɛckɛn ë ye looi, ku në biäk cïï yen kɔc ke Yithriɛl tɔ loi awäc.

1 Mel 21:22

Ku dhiëndu abä tɔ cït dhiën ë Jerobowam wën ë Nebat, ku ta cït dhiën ë Baaca wën ë Aɣija, në kë cï yïn A tɔ göth, ku cï Yithriɛl tɔ loi kërac.’

2 Mel 21:11

an, “Ku në luɔi cïï Manatha melik de Juda kërɛɛcdïït mɛɛn ë Bɛ̈nydït looi, karɛc wär ka ɣɔn looi ë kɔc ke Amor keek, ago Juda tɔ loi kërac në yanhdɛn cï guaŋ.

2 Mel 21:4

Ku yïk yïïk ke yiëth ë Luaŋdïtic të ɣɔn cïï Bɛ̈nydït lueel nɔn bïï ë Yen aa lam thïn.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

2 Mel 3:3

Ku acït Jerobowam wën ë Nebat ɣɔn wɛt Yithriɛl në awɛ̈ɛ̈c yiic, ku akën ke pɔ̈l.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

2 Lëk 33:9

Go Manatha kɔc ke Juda tɔ loi karɛc wär karɛc wään, cï juöör wään bïï ë Bɛ̈nydït keek cuɔp wei piny yic looi, ɣɔn jɔ kɔc lɔ ke ke bɔ̈ thïn.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Bɛ̈n 32:21

Ku lëk Aron an, “Eeŋö cï kɔc luöi yïn kë tɔ yïn ke loi kërɛɛc dïït tuc cït ee kënë?”

Yith 57:5

Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

Jeremia 19:2

ku bä lɔ në kueer ë kal Thoŋ ë Potoced të lɔ bäny ë Ɣinom. Ku yɛn bï jam bïï gäm yɛn jɔ lueel ëtɛ̈ɛ̈n.

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Jeremia 44:4

Ku wek ya cool ë tuöc Yɛn week tïtkï kɔc ee Yɛn luööi, kɔc ee we yɔ̈ɔ̈k an, duökï karɛc maan keek ee looi.

Jeremia 7:30

“Kɔc ke Juda acïk kërac looi. Acïk yanhdɛn maan tääu në ɣöndiën ë Bɛ̈nydït, ku acïk dhiöök.

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Edhekiɛl 23:37

Keek acïk röör kɔɔr ku näkkï kɔc, acïk köör në yiëth ku näkkï mïth cïk keek dhiëth ɛn. Acïk wɛ̈ɛ̈tkï nɔ̈k ke ke ye miɔ̈c näk gëmë ke yiëthken.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Nyöŋ 24:4

Në ye ɣäänkë yiic kedhie, acïï monydɛn tueŋë yen duëër bɛ thiaak, abï ë tiiŋë dhil tïŋ ke ee kë cï dhiöök. Na le bɛ nyɔk ë thiëëk, ka abï aa awäc yen cï luöi Bɛ̈nydït. Wek cïï kërɛɛc dïït cït ee kënë bï looi në piny gëmë Bɛ̈nydït Nhialicdun week.