Jeremia 32:33 - JAM DE NHIALIC 2011

³³ Acïk kekɔ̈ɔ̈th wël Yɛn, cakaa nɔn yan ŋoot ke ke wɛ̈ɛ̈t, acïkï kɔ̈ɔ̈r bïk wɛ̈ɛ̈t ku ŋickï käŋ.

Jeremia 32:33 ပူးပေါင်းရင်းမြစ်များ

Jop 35:11

Acïk röt ee pɔ̈k Nhialic, Raan ee wo tɔ pelnïïm, pɛlënɔm wäär wek läi ëbɛ̈n ayï diɛt.

Jeremia 18:17

Yɛn bï kɔckï thiɔ̈i në kɔc ke aterden nïïm, cït man de abuui cï yom de aköl amiäk kuɔɔth wei. Yɛn bï ya kɔ̈u wël keek, acä ke bï luök të le riääk bɛ̈n.”

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 26:5

ku luɔi bä wek jam tït kɔc ee Yɛn luööi piŋ, kɔc Ya ke cool ë tuöc ke week. Wek kën këdɛn yek lueel kɔn riëëu.

Jeremia 35:13

An, “Acïï Bɛ̈nydït de rɛm, Nhialic de Yithriɛl lueel an: Lɔɔr lɛ̈kë kɔc ke Juda ku kɔc ceŋ Jeruthalem, an eeŋö cä wek lööŋkï ku wɛ̈ɛ̈t cä gäm week ee riëëu?

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 44:4

Ku wek ya cool ë tuöc Yɛn week tïtkï kɔc ee Yɛn luööi, kɔc ee we yɔ̈ɔ̈k an, duökï karɛc maan keek ee looi.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 7:28

Abä lɛ̈k keek an jurden acïï Yɛn ee riëëu, Yɛn Bɛ̈nydït Nhialicden, ku acïkï wɛ̈ɛ̈t në kë tuc cï luöi keek. Luɔi adöt acï thou. Acïn raan ee bɛ jam në yen.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Ɣodh 11:2

Ku ënɔɔnë, të cɔ̈ɔ̈l Ɛn Yithriɛl në yalɔ̈ɔ̈m, yen aye kek röt mɛc wei në Yɛn. Kɔckï ayek Baal näk, ku nyupkï yiëth wal ŋïr.

Dhek 7:11

“Go kɔckï kenïïm thiöök, ku reeckï jamdï piŋ.

Jɔn 8:2

Na wën, aruu piny, ke be bɛ̈n ë Luaŋdïtic, ku bɔ̈ kɔc të nu yen kedhie, go nyuc, wëët keek.