Jeremia 32:21 - JAM DE NHIALIC 2011

²¹ Në kueer ë göök ku kagɛ̈iyë wään cï kɔc ke aterda tɔ riɔ̈c, Yïn cï riɛldu ku dïtdu tɔ bïï kɔc ke Yithriɛl bei ë Rip.

Jeremia 32:21 ပူးပေါင်းရင်းမြစ်များ

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

1 Lëk 17:21

Acïn jur däŋ tɔ̈u ë piny nɔm cït Yithriɛl, kɔc cï keek wɛ̈ɛ̈r bei ë lïïmic bïk aa kɔcku. Göök ku kake gäi cï luöi keek, acï lɛcdu thiäi ë piny nɔm. Yïn cï kɔcku wɛ̈ɛ̈r bei ë Rip, ku cop juöör kɔ̈k wään lee ë kɔcku ke ke bɔ̈.

Diɛt 105:37

Ku jɔ kɔc ke Yithriɛl tɔ jël, agokï ateek ku adhääp jɔt, ku dhiëën kedhie aake ril ku piɔlkï gup.

Diɛt 105:43

Ago kɔckɛn cï lɔc wɛ̈t bei, agokï ket ë diɛt ku woukï në miɛtëpiɔ̈u.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 6:1

Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Nyöŋ 11:3

ku göökke. Wek cï kë cï luöi melik de Rip tïŋ kekë paande ëbɛ̈n.

Nyöŋ 26:8

Ku në riɛldɛn dït ku riɛldït acï wook kony buk bɛ̈n bei në Rip. Acï göök looi ku kake gäi, ku tɔ ka ee kɔc tɔ riɔ̈c loi röt.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 7:19

Takï wenïïm në göök dït riliic wään cäk keek tïŋ ë wenyïïn kake gäi ku göök, ku riɛldït cïï Bɛ̈nydït Nhialicdun week wɛ̈ɛ̈r bei, ku në ee kueerë acï kɔcke Rip riɔ̈ɔ̈r nyïïn abï kɔc riääc wek e keek ënɔɔnë riɔ̈ɔ̈r nyïïn kedhie.