Jeremia 32:20 - JAM DE NHIALIC 2011

²⁰ Ɣɔn thɛɛr, yïn aacï göök ku kagɛ̈iyë looi ë Rip, ku acï ŋoot ke ke loi keek agut cï ee köölë, në Yithriɛl yic ku në juöör kɔ̈k yiic ëbɛ̈n, ago Yïn jɔ ŋic ë piny nɔm ëbɛ̈n.

Jeremia 32:20 ပူးပေါင်းရင်းမြစ်များ

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

1 Lëk 17:21

Acïn jur däŋ tɔ̈u ë piny nɔm cït Yithriɛl, kɔc cï keek wɛ̈ɛ̈r bei ë lïïmic bïk aa kɔcku. Göök ku kake gäi cï luöi keek, acï lɛcdu thiäi ë piny nɔm. Yïn cï kɔcku wɛ̈ɛ̈r bei ë Rip, ku cop juöör kɔ̈k wään lee ë kɔcku ke ke bɔ̈.

Neɣe 9:10

Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Neɣe 9:11

Në wɛ̈ɛ̈ric, Yïn cï kueer luöi kɔcku, ku tɛ̈ɛ̈kë ke tëril. Ku mɔu kɔc cop keek piny ë pïïu thäär të thuth, cït man ë kɔi cï dïïr në apiöŋ dïït ë wɛ̈ɛ̈ric.

Diɛt 135:9

Acï göök ku kake gäi looi ëtɛ̈ɛ̈n dui yen melik kekë bänyke kedhie.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 7:3

Ku melik abä tɔ ril nɔm, ka acïï jamdun bï piŋ. Ku cïn këdunic thïn në ka gɛ̈ɛ̈iyë ke juëc bä looi Rip. Yɛn bï Rip luöi këtuc, ku kuɛ̈ɛ̈th kɔckï bei pinyden.

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Yith 63:14

Acït man ye ë ɣɔ̈k kuaath ë wak de yic wal, yen acïï Wëi ke Bɛ̈nydït kɔc ke tɔ lɔ̈ŋ. Acï kɔcke wat ku tɔ rinke yök dhuëëŋ.

Jeremia 13:11

Cït man ye lupɔɔ lɔ dekdek ë raan kɔ̈u, yen ayan baai de Yithriɛl kekë baai de Juda kɔɔr bïk röt muɔ̈k ë Yɛn ë dekdek. Yɛn aa loi ee kënë agokï aa kɔckï, ku agokï dhuëëŋ ku riëëu alɛɛc yiɛ̈n rinkï, ku akënkï Ya riëëu.”

Danyel 6:28

Go Danyel jɔ kuɛth në akööl ke bääny de Dariouth yic ku akööl ke bääny de Thairuth raan ë Perthia.

Danyel 9:15

“Ku yïn Bɛ̈nydït, Nhialic, yïn cï riɛldu nyuɔɔth, në bïï cï yïn kɔcku bɛ̈ɛ̈i bei ë Rip, ku riɛldu aŋoot ke ye tak. Wok cï wäc, wok cï kërac looi.

Luɔi 7:36

Yen ë raanë yen aa bïï ke bei, wën cï en göök looi göök bï kɔc ke gäi paan ë Rip, ku Wɛ̈ɛ̈r thith, ku jɔ̈ɔ̈ric ë run kathiërŋuan.

Nyöŋ 11:3

ku göökke. Wek cï kë cï luöi melik de Rip tïŋ kekë paande ëbɛ̈n.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 6:22

Ku acuk tïŋ në wonyïïn ke looi göök, ku looi ka ee kɔc ke Rip riääc kekë bɛ̈nyden ku lɔ bänyken kedhie.

Nyöŋ 7:19

Takï wenïïm në göök dït riliic wään cäk keek tïŋ ë wenyïïn kake gäi ku göök, ku riɛldït cïï Bɛ̈nydït Nhialicdun week wɛ̈ɛ̈r bei, ku në ee kueerë acï kɔcke Rip riɔ̈ɔ̈r nyïïn abï kɔc riääc wek e keek ënɔɔnë riɔ̈ɔ̈r nyïïn kedhie.