Jeremia 32:19 - JAM DE NHIALIC 2011

¹⁹ Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Jeremia 32:19 ပူးပေါင်းရင်းမြစ်များ

1 Mel 8:32

ke Yï pïŋ Bɛ̈nydït paannhial ku guiir löŋ de kɔckuön ee Yïn luööi në kɛmken, raan gööny ku raan gɔɔnyë, ku luöiyë raan de kë cï wööc këtuc, ku päl raan ee këpiɛth looi ku thiei cït man ë tän de piathëpiɔ̈nde.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Jop 34:11

Yen, ee kɔc gäm ariöpde kë yek looi, ku lui keek kë röŋ ke keek.

Jop 34:21

Yen ee të le raan thïn ëbɛ̈n woi.

Diɛt 111:2

Bɛ̈nydït ee kake gäi juëc looi! Kɔc kedhie kɔc cï piɔ̈ɔ̈th miɛt ë keek, ayek them bïk keek ŋic.

Diɛt 34:15

Nyïïn ke Bɛ̈nydït awoikï kɔc piɛthpiɔ̈ɔ̈th, ku yïthke apiŋkï dhiënden,

Diɛt 62:12

ku kë ee tɔ̈u ke Yïn Bɛ̈nydït ee nhiëër agɔk. Në luɔi Yïn raan ëbɛ̈n, gäm ariöp rɔ̈ŋ kekë luɔide.

Diɛt 92:6

Ee kë cïï raan piɔlpiɔ̈u duëër ŋic, raan dhɔ̈n acïn kë duëër yökic:

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Kɛ̈ŋ 5:21

Bɛ̈nydït awoi këriëëc loi ëbɛ̈n. Awoi yïn alɔ të le yïn thïn ëbɛ̈n.

Kɛ̈ŋ 8:14

Yɛn ee käŋ kiëët ku dɛ pɛlënɔm yic. Yɛn ee käŋ yökiic, ka yɛn ril.

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Yith 28:29

Pɛlënɔmë ëbɛ̈n aa bɔ̈ tëde Bɛ̈nydït de rɛm. Kiɛɛr ye Nhialic looi ayek kake pɛlënɔm, ku ayek tiam ananden.

Yith 40:13

De raan duëër Wëi ke Bɛ̈nydït lɛ̈k kë bïï looi? Eeŋa duëër ye wɛ̈ɛ̈t ku nɔn bïï riit piɔ̈u?

Yith 59:18

Abï kɔc ke aterde luöi këtuc rɔ̈ŋ ke awɛ̈ɛ̈c cïk looi, aɣet cï kɔc rɛ̈ɛ̈r në piiny mec yiic.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 21:14

Ku wek bä luöi këtuc në biäk de kë cäk looi. Yɛn bï ɣönduön ë bääny nyop ë mac, ku mac abï këriëëc ëbɛ̈n nu ë yelɔ̈ɔ̈m nyuɔp piny. Acä lueel, Yɛn Bɛ̈nydït.”

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Dhek 9:1

Kë cï Bɛ̈nydït lueel kï: Akɔɔr nɔn lui yen piny de Ɣadrak këtuc, kekë Damathko. Ku kɔc kedhie abïk kenyïïn puɔ̈k Bɛ̈nydït cït man cï dhiëën ke Yithriɛl kenyïïn puk.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Jɔn 5:29

agokï bɛ̈n biic, kɔc ee këpiɛth looi, abïk röt jɔt në jönërɔt de pïïr, ku jɔt kɔc ee kërac looi röt, në jönërɔt ë gääk nu ë keyiëth.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Nyuuth 22:12

Go Yecu lueel an, “Ya kï, bɔ̈yë ënɔɔnë, ku yɛn cath wo ariöpdiën bä gäm raan ëbɛ̈n në kë rɔ̈ŋ ke luɔide.