Jeremia 32:18 - JAM DE NHIALIC 2011

¹⁸ Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Jeremia 32:18 ပူးပေါင်းရင်းမြစ်များ

Cäk 49:24

Ku dhɛ̈ŋke abïk aa kɔ̈ɔ̈c aril, acï ke tɔ ril, në riɛl dïït de Nhialic Awärjäŋ, Nhialic de Jakop. Ku ye Tïït ku Gëlgël de Yithriɛl.

2 Mel 9:26

‘Yɛn cï raan wään näk Naboth kekë wɛ̈ɛ̈tke tïŋ, ku Yɛn cï gutguut lueel në luɔi bän ke luöi këtuc në ee dom manë yic.’ Go Jeɣu kɔckɛn ee ye kuɔny yɔ̈ɔ̈k an, “Nämkï guöp de Joram, ku cuatkï në dom de Nabothic, ago gutguut de Bɛ̈nydït tɔ ee yic.”

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Diɛt 50:1

Awärjäŋ Bɛ̈nydït Nhialic ajam, acɔl pinynɔm ëbɛ̈n, gɔl aköl amiäk le aköl athɛ̈i.

Diɛt 89:9

Ee Yïn ë wɛ̈ɛ̈r tiit, ku ye apiökkɛn dït tɔ lɔ dïu.

Bɛ̈n 34:6

Na wën, ke Bɛ̈nydït tëk ë yenɔm tueŋ, ku lueel an, “Ee Yɛn Bɛ̈nydït Nhialic de kok ë piɔ̈u ku dhuëëŋ, Nhialic cie dap gɔ̈th, ku ye Nhialic adöt, Nhialic ee nhiëër agɔk nyuɔɔth.

Bɛ̈n 34:7

Yɛn ee nhiëërdiën agɔk dɔ̈t aguum ke rɛm, ku päl kɔc awɛ̈ɛ̈c ku karɛc. Ku Yɛn cïï mïth bï puɔ̈l ke kɛ̈n ke luöi këtuc në biäk de karɛc ke wärken, ayï awɛ̈ɛ̈c ke kuarken, agut cï rem ye rɛm diäk, ayï ŋuan.”

Yith 10:21

Kɔc lik ke Yithriɛl abïk bɛ̈n ciëën tëde Awärjäŋ Nhialicden.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Jeremia 33:2

Bɛ̈nydït ee Yen ë loi piny, Raan ë cak en ku tɛ̈ɛ̈u tëde, acï jam ke yɛn. Raan ee Yen cɔl rin Bɛ̈nydït acï lueel an,

Jeremia 50:34

Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Kuɛ̈n 14:18

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Math 27:25

Go kɔc bɛ̈ɛ̈r kedhie an, “Në riɛmde nu ë woyiëth, ayï mïthkuɔ yiëth!”

Luk 6:38

Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.