Jeremia 31:8 - JAM DE NHIALIC 2011

⁸ Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Jeremia 31:8 ပူးပေါင်းရင်းမြစ်များ

Diɛt 107:3

ku puk wenïïm ciëën në wuöt ke juöör yiic, në biäk të lɔ aköl amiäk ku biäk të lɔ aköl athɛ̈i, ku biäk të lɔ rut ku biäk të lɔ wöuwic.

Diɛt 65:5

Yïn ee këda bɛ̈ɛ̈r në miɔ̈c Yïn wo tɔ tiëm, ku Yïn ë kadït ke gäi looi, bï Yïn ke wo kony. Kɔc nu ë piny thar ku ka nu wɛ̈ɛ̈r lɔŋtui aŋäthkï Yïn.

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Jeremia 16:15

Abïk aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de rut, ku në wuöt kɔ̈k yiic, wuöt cän keek thiäi piny. Abä keek bɛ̈ɛ̈i ciëën pinyden, piny cä gäm kuarken. Acä lueel, Yɛn Bɛ̈nydït.”

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 34:12

cït man ye tïn de thök amɛ̈l ŋiëc muk të cï kek thiäi, aye ke bɛ lɔ määt yiic. Abä ke lɔ pɔ̈k nïïm ciëën në ɣään wään cï kek thiɛ̈i thïn në kööl ɣɔn de mɔ̈ɔ̈th ë riääk.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Maika 4:6

Go Bɛ̈nydït lueel an, “Akööl abïk bɛ̈n wadäŋ, akööl bän kɔc cä luöi këtuc määt yiic, ku mat kɔc cï peec nïïm, kɔc cä jieth piɔ̈ɔ̈th.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Dhek 2:6

Go Bɛ̈nydït cööt an, “Katkï, bäkï. Kualkï röt piny lɔ të lɔ rut. Në biäk cän we thiäi piny në aguuk ke pinynɔm kaŋuan yiic.

Math 12:20

Aruöör cï nyiɛɛcic acïï bï dhoŋ kɔ̈u, ku alanh tol acïï bï tɔ liu, Aɣet të bï en guiëërëlöŋ tɔ bɔ̈, ago tiam.

Jɔn 21:15

Na wën, aa cïk thök ë cäm, ke Yecu thiëc Thimon Petero an, “Thimon, wën e Jona, nhiaar ɛn awär kɔckë?” Go gam an, “Ɣɛɛ, Bɛ̈nydït, aŋic nɔn nhiaar ɛn yïn.” Go yɔ̈ɔ̈k an, “Nyuääthë amithöökkiën amɛ̈l.”

1 Kor 8:10

Ku të tïŋë raan yïn, yïn raan de ŋïnydekäŋ, ke yï nyuc ë këcam nɔm luaŋ de yath, cïï piɔ̈n ë raan kɔ̈c bï ŋeeny ago ka cï näk yiëth aa cam?

Nyöŋ 30:4

Cak aa wek ë cï thiäi ë aguuk mec kë piny yiic. Bɛ̈nydït Nhialicdun abï week määtiic ku abï week bɛ̈ɛ̈i ciëën.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

Ɣeberuu 12:12

Ka week riɛɛtkï wepiɔ̈ɔ̈th piny mïthëkɔckuɔ, yak cinkuön cï lɔ läuläu ku miɔɔlkuön cï nuëŋ rïc.

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!