Jeremia 31:31 - JAM DE NHIALIC 2011

³¹ Aye Bɛ̈nydït lueel an, “Akööl abïkï, akööl bän löŋ cï piac mac looi wo baai de Yithriɛl kekë kaai de Juda.

Jeremia 31:31 ပူးပေါင်းရင်းမြစ်များ

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Amoth 9:13

Aye Bɛ̈nydït lueel an, “Akööl abïkï, akööl bï kɔc ee pur ka temkï yök, ku enap abï dap luɔk ke të ye ë ye nyiith ŋoot wei. Ku kur abïk nïïm aa thuat në mɔ̈n mit, ku kuëër kur kor kɔ̈ɔ̈th ëbɛ̈n në mɔ̈u aya, abï piny mool.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Mak 14:24

Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc.

Luk 22:20

Ku të cï këcam thök, ke jɔ looi aya në bïny, ku lueel an, “Bïnyë ee löŋ cï piac mac në riɛmdï, riɛm bï kuëër në baŋdun week.

1 Kor 11:25

Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Nyöŋ 29:14

Acie week wapäc, wek cïï Bɛ̈nydït löŋë mac ku kake luɔɔide.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 7:12

Ku na cï kueer ye bäny ke kake Nhialic kuany waar, ke löŋ abï dhil waar ayadäŋ.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.