Jeremia 31:27 - JAM DE NHIALIC 2011

²⁷ “Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 31:27 ပူးပေါင်းရင်းမြစ်များ

Diɛt 107:41

Bɛ̈nydït ee kɔc kuanynyïïn kony ë nuanden yic, ku tɔ dhiënken tɔ kɛɛr abïk ciët ɣɔ̈k.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Edhekiɛl 36:10

Wek bä ke tɔ kuet, ka wek baai de Yithriɛl abï juëc, pɛ̈ɛ̈nydït abï ke cieŋ ku yiɛ̈kkï këriëëc wään cï riɔ̈ɔ̈k ëbɛ̈n.

Edhekiɛl 36:11

Yɛn bï kɔc ku ɣɔ̈k tɔ kuet abïk juëc. Wek bï juëc ka wek bï täuduön thɛɛr wuöör, ku wek bï dɛk mïth juëc. Wek bä ke tɔ rɛ̈ɛ̈r ëtɛ̈ɛ̈n cït man wään rɛ̈ɛ̈r wek, ku wek bä ke tɔ kueth në kajuëc awär täuduön wään thɛɛr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.

Edhekiɛl 36:9

Yɛn tɔ̈u në biäkdun, ku abä dhil tïŋ ë gɔk nɔn bïï pinydun bɛ puur ka kɔ̈th abïï ke com ëtɛ̈ɛ̈n.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Dhek 10:9

Na cakaa nɔn cän ke thiäi ë juööriic, abïk Yɛn tak ke ke mec ëtɛ̈ɛ̈n. Abïk pïïr në mïthken ëtök, ku abïk kenïïm bɛ puɔ̈k wunden kedhie.

Nyöŋ 30:9

Ku ëtɛ̈ɛ̈n Bɛ̈nydït Nhialicdun abï week tɔ kueth aläl në luɔi de wecin ku abï week tɔ kɛɛr ayï daau ke ɣɔ̈kkun ayï rɛɛp ke pinydun abïk juëc. Ku Bɛ̈nydït abï piɔ̈u bɛ miɛt kekë week ku tɔ week kueth, cït man wään ee yen piɔ̈u miɛt kekë wärkun.