Jeremia 31:23 - JAM DE NHIALIC 2011

²³ Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Jeremia 31:23 ပူးပေါင်းရင်းမြစ်များ

Diɛt 128:5

Yïn bïï Bɛ̈nydït thieei ë Dhiɔn! Abï yïn tɔ tïŋ dhuëëŋ ë Jeruthalem në akööl ke pïïrdu yic ëbɛ̈n!

Diɛt 129:8

Acïn raan de kɔc ee tëëk bï ye lueel an, “Bɛ̈nydït abï ya yï thieei! Yïn cuk thieei në rin ke Bɛ̈nydït.”

Diɛt 134:3

Bɛ̈nydït abï yïn thieei në Dhiɔn, raan ë cak paannhial kekë piny!

Diɛt 28:9

Kony kɔcku Bɛ̈nydït, ku thiei ka wën ee kaku. Tɔ rɔt ee tïnden, ku tit keek aɣet athɛɛr.

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 1:26

Wek bä gäm bäny ku kɔc ee we jääm cït kɔckuön wään tueŋ. Ka Jeruthalem abï bɛ aa cɔɔl an, pänydïït de piathëpiɔ̈u, pänydït adöt.”

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 32:16

Ago yic jɔ aa looi ë jɔ̈ɔ̈ric, ku tɔ̈u piathëpiɔ̈u në duum ee luɔk yiic.

Yith 33:5

Eeŋö jɔ Bɛ̈nydït dït Aya! Amac këriëëc ëbɛ̈n. Abï Jeruthalem thiɔ̈ɔ̈ŋic në piathëpiɔ̈u ku yic

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 50:7

Aye keek mak në kak ee keek yök ëbɛ̈n. Aye kɔc ke aterden lueel an, ‘Acïk awäc luöi Bɛ̈nydïïtden, ka Yen acïn awäny cuk looi. Kuarken aake ye Bɛ̈nydït ŋɔ̈ɔ̈th, ku keek adï cïk ŋoot ke ke ye adööt tëde Yen.’

Obadaya 1:17

“Ku kɔc kɔ̈k abïk ban në Kuur ë Dhiɔn nɔm ku abï aa tëɣeric. Kɔc ke Jakop, abïk ee pinyë lɔ̈ɔ̈k lak ke ye këden.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Ruuth 2:4

Na wën, ke Bowadh ë bɔ̈ domic, ku thiëëc kɔc lui an, “Bɛ̈nydït ë tɔ̈u ke week!” Go kɔc lui puk nɔm an, “Athiɛɛi ë Bɛ̈nydït ë tɔ̈u ke yïn!”