Jeremia 31:21 - JAM DE NHIALIC 2011

²¹ Loi kït, ku nyoth kueer, be kueer ë jël yïn kɔɔr. Bäkkï ciëën kɔc ke Yithriɛl, bäkkï baai, bäkkï ë wuötkuön cäk nyääŋ piny yiic.

Jeremia 31:21 ပူးပေါင်းရင်းမြစ်များ

1 Lëk 29:3

Në ee kake nïïm kedhie yɛn cï ɣön ɣeric miɔɔc, yɛn cï atek ku adhɛ̈p nööm në kakï yiic ku gäm ke ɣön ë Nhialicdï, në biäk nhiaar ɛn ɣön de Nhialicdï.

2 Lëk 11:16

Kɔc ke dhiëën ke Yithriɛl kɔɔr bïk Bɛ̈nydït Nhialic de Yithriɛl aa lɔ̈ŋ në piɔ̈nden ëbɛ̈n, acïk kɔc ke Lebai kuany cök lekï Jeruthalem, agokï miɔ̈c aa gäm Bɛ̈nydït, Nhialic de Kuarken.

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Diɛt 84:5

Thieithieei në kɔc ee röt kan në riɛldu kɔc kɔɔr bïk Kuur ë Dhiɔn aa lɔ neem.

Kɛ̈ŋ 24:32

Na wën acä yapiɔ̈u tääu në ka cä tïŋiic, yɛn cï wëët.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 57:14

Aye Bɛ̈nydït lueel an, “Takkï kɔckï bɔ̈ ciëën tëdï. Nyaaikï ka ee keek gël në kuɛɛr yiic! Yiɛ̈kï kueer, ku guiɛɛrkï!

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 46:11

Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Jeremia 51:50

Aye Bɛ̈nydït lɛ̈k kɔckɛn nu ë Babilonia an, “Wek cï ban ë thuɔɔu thok! Ënɔɔnë jälkï! Duökï tït! Cakaa nɔn mɛc wek në pinydun, yak Yɛn tak, Yɛn Bɛ̈nydïïtdun, ku yak Jeruthalem tak.

Jeremia 51:6

Katkï ë Babilonia! Bääkï wëikun! Duökï röt tɔ näk në biäk de awäny de Babilonia. Yɛn guur rɔt ënɔɔnë, ku aluöi keek këtuc rɔ̈ŋ ke keek.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Edhekiɛl 40:4

Go lɛ̈k ɛn an, “Daaiyë në yïnyin, mɛnh ë raan. Piëŋë apiɛth, ku kët yïyic ke yï cï rɔt päl piny ku woi këriëëc bä nyuöth yïn ëbɛ̈n, në biäk ë bïï yïn ee tënë në biäk de ee kënë. Yïn bï baai de Yithriɛl lɔ lɛ̈k këriëëc cï tïŋ ëbɛ̈n.”

Ɣagai 1:5

Aye Bɛ̈nydït de rɛm lueel an, Cäkï kë bï rɔt pɔ̈k week ee tïŋ?

Dhek 10:9

Na cakaa nɔn cän ke thiäi ë juööriic, abïk Yɛn tak ke ke mec ëtɛ̈ɛ̈n. Abïk pïïr në mïthken ëtök, ku abïk kenïïm bɛ puɔ̈k wunden kedhie.

Nyöŋ 32:46

Go lueel, an, “Luɔikï apiɛth luɔi bä wek lööŋ ke Bɛ̈nydït riëëu kedhie kek lööŋ gäm ke week ëköölë. Yak ke nyɔ̈kiic mïthkun, agokï wëët de Nhialic ëbɛ̈n döt ku rïïukï.