Jeremia 31:18 - JAM DE NHIALIC 2011

¹⁸ “Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Jeremia 31:18 ပူးပေါင်းရင်းမြစ်များ

Jop 5:17

Yeka, athiɛɛi ee këde raan cïï Nhialic looi nɔm, në biäk ee kënë du ee jaai të ye Nhialic Awärjäŋ yï rïc.

Diɛt 118:18

Acï yɛn luöi këtuc aläl, ku akën ɛn tɔ thou.

Diɛt 119:67

Të ŋoot Yïn ke Yï kën a dui, yɛn aaye awäc looi, ku ënɔɔnë yɛn rïïu jamdu.

Diɛt 119:75

Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 31:15

Pïïrdï atɔ̈u në Yïciin, kony ɛn në kɔc de wok ater, ku në kɔc yɔŋ ɛn kedhie.

Diɛt 32:9

Du rɔt tɔ cït jöŋgör ku nɔn ee mul, ka cïï käŋ ee yök yiic, ka ye thel në wïïn cï duööt ë kethook, agokï jɔ gam.”

Diɛt 80:19

Pɔ̈kë wonïïm ciëën. Bɛ̈nydït Nhialic Awärjäŋ. Nyuöthë wook kokdepiɔ̈ndu, ke wo bïï luök.

Diɛt 80:3

Pɔ̈kë wo nïïm täu wään kɔn wok tɔ̈u, Nhialic! Nyuöthë wook kokdepiɔ̈ndu, ke wo bïï luök!

Diɛt 80:7

Pɔ̈kë wo nïïm täu awään kɔn wok tɔ̈u, Nhialic! Nyuöthë wook kokdepiɔ̈ndu, ke wo bïï luök!

Diɛt 85:4

Nhialic Bɛ̈nyda pɔ̈kë wonïïm ciëën, ku päl luɔi yïn piɔ̈u diu we wook.

Diɛt 94:12

Thieithieei në raan ye Bɛ̈nydït wɛ̈ɛ̈t, kɔc ye ke wɛ̈ɛ̈t në löŋdu!

Kɛ̈ŋ 26:3

Waat ee këde muul, ku ye joth këde jöŋgöör, ku dui de thieec ee këde raan piɔl piɔ̈u.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Kɛ̈ŋ 3:11

Du wëët ë Bɛ̈nydït ee dhɔ̈lic mɛnhdï, ku du ee bäp në nɛɛnde.

Yith 1:5

Eeŋö ŋuɔɔt wek ke we jai? Kaarkï bï wo luöi këtuc aläl? Yithriɛl, nɔmdu ka cï thiäŋ ke tëtöök ku piɔ̈ndu ëbɛ̈n ayï täŋdu, acï jɔk ke dɔm.

Yith 51:20

Në aguuk ke kuɛɛr kedhie, kɔckun ayek wïïk në kɔ̈c cï kek kɔ̈c, acïk ciët ŋeer cï dɔm në wïn yëëp. Acïk riɛl de agönh ë Nhialic jɔ yök thok.

Yith 53:7

“Yen acï kuur ku acï bɛ̈n guum ke koor rɔt piny, acïn jam töŋ cï lueel. Acït nyɔɔŋ amääl le tem röl, ku cït amäl tem ë nhïm në yeguöp, acïn wɛ̈t töŋ cï lueel.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Jeremia 17:14

Bɛ̈nydït tɔ ya dem ku yɛn bï waar taitai, luäk yɛn ku acïn kë bän riɔ̈ɔ̈c. Ee Yïn ee raan ya leec!

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 31:6

Ee yic, akööl abïkï, akööl bï kɔc ee tïït në piny ë kuur de Eparaim yic, aa cööt an, ‘Lokku Dhiɔn, të nu Bɛ̈nydït Nhialicda.’”

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Dhiëëu 5:21

Bɛ̈ɛ̈iyë wok tënu Yïn, Bɛ̈nydït! Bɛ̈ɛ̈iyë wo ciëën! Puɔ̈kë wonïïm dhuëëŋdan thɛɛr.

Edhekiɛl 20:43

Ëtɛ̈ɛ̈n we bï këriëëc de ayäär ëbɛ̈n wään cäk looi jɔ tak, ku luɔi cä wek röt dhiöök. Wek bï aa riɔ̈ɔ̈c në gupkun wapäc në biäk de karɛc cäk looi.

Danyel 9:13

ago wook tɔ luiyë këtuc wään cï lueel ë löŋ de Mothe yic ëbɛ̈n. Ku na cakaa ënɔɔnë, Bɛ̈nydït Nhialicda, akënku them buk yïn tɔ mit piɔ̈u në päl pɛ̈l wok karɛckuɔ ku kuɛnyku yithku cök.

Ɣodh 10:11

“Eparaim aa cït dan cï ŋiëc wɛ̈ɛ̈t, dan cïn luɔi dïït cï kɔn looi. Ku ënɔɔnë, yenhdɛn lɛ̈ɛ̈kë, abä yiëk wai ke puɔ̈ɔ̈r, ku kuaath. Ku Juda abï tiɔp geer, ku Jakop abï piny tuk.

Ɣodh 4:16

Kɔc ke Yithriɛl arilkï nïïm cït weŋ amiɔ̈l: ka acïï Bɛ̈nydït keek duëër nyuääth ëläŋ të lääu de nyuäth cït nyɔɔŋ amääl.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Jona 3:10

Go Nhialic ka cïï kɔc ke Ninebe looi ëbɛ̈n tïŋ, ku tïŋ luɔi cï kek kepiɔ̈ɔ̈th puk në päl pɛ̈l kek täu rɛɛcden, ago Yenɔm waar në riäŋ wään cï than piny an, bï luöi keek, ku akën ke bɛ̈n luöi këtuc.

Dhep 3:2

Acïï Bɛ̈nydït ee piŋ thok ku nɔn gɛm duide, ku nɔn thiëëc në kuɔɔny.

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Malakai 4:6

Abï mïth bɛ̈n määt në wärken, ku mɛ̈ɛ̈t wärken ë mïth në mïthken. Na cie yen, pinydun abä bɛ̈n riɔ̈ɔ̈k në aciɛɛn.

Kuɛ̈n 2:18

Ku amatnɔm de dhiën ë Eparaim ë piäät në paany lɔ̈ɔ̈m baŋ të lɔ aköl athɛ̈i në beerden, ku në bänyken cök alë: Dhiën Bɛ̈ny Kuën Eparaim Elicama wën ë Amiɣud 40,500 Manatha Gamaliel wën ë Pedadhur 32,200 Benjamin Abidan wën ë Gidiɔni 35,400 108,100 Ku dhiën ë Eparaim ee kek abï ya amatnɔm ee kek diäk bï wat.

Luk 1:17

Ku abï kɔn lɔ ë yenɔm tueŋ, ke cath ke Wëi ke Elija ku riɛlde, le wärken ë mïth wɛ̈l piɔ̈ɔ̈th mïthken, ku puk kɔc piɔ̈ɔ̈th kɔc reec gäm, bïk pɛlënɔm yök pɛlënɔm ë kɔc piɛthpiɔ̈ɔ̈th, ago kɔc tɔ guik röt kɔc cï röt coc në këde Bɛ̈nydït.”

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Ɣeberuu 12:5

Ku wek ee nïïm guɔ määr në kë cï Nhialic lɛ̈k week ke we ye wɛ̈ɛ̈tke ku nyïïrke an, “Duökï ee gɔ̈th të cï Bɛ̈nydït we dui, ku duökï piɔ̈ɔ̈th ee bäp të cï Yen we jɔ̈ɔ̈ny në kë cäk wööc.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.