Jeremia 31:14 - JAM DE NHIALIC 2011

¹⁴ Yɛn bï bäny ke kake Nhialic tɔ kueth ë kuïïn mit, ku tɔ kɔckï kueth ë ka kɔɔrkï. Acä lueel, Yɛn Bɛ̈nydït.”

Jeremia 31:14 ပူးပေါင်းရင်းမြစ်များ

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

Neɣe 10:39

Kɔc ke Yithriɛl ku kɔc ke Lebai abïk ajuëër ë mɔ̈u, ku miök de olip, ayï rap dhɛ̈ɛ̈th ɣön wën ye kake tëɣeric tɔ̈ɔ̈u thïn, ku thönë ke bäny ke kake Nhialic de nïïm luɔi ee köölë, ayï kɔc ee tïït, ku kɔc ke diɛt. Në biäk cïï wok e than piny nɔn cïï wok ɣön ë Nhialicda bï päl wei.

Diɛt 107:9

Bɛ̈nydït ee kɔc cï yal miɔɔc ë pïïu, ku tɔ kɔc nɛ̈k cɔk tɔ kueth ë kacaam ku kapiɛth ëbɛ̈n.

Diɛt 132:16

Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Diɛt 63:2

Tɔ ya tïŋ riɛldu, ku dhuëëŋdu, cït man cän Yï tïŋ tëɣeric.

Diɛt 63:5

Piɔ̈ndï ë kuɛth cït man ë kë cam miök ë yuɔɔmic, yɛn bï diɛt ke miɛtëpiɔ̈u kɛ̈t Yïn.

Diɛt 63:6

Të yan tɔ̈c në agendï nɔm, ee Yïn ya tak, në wɛ̈ɛ̈ric ëbɛ̈n Yïn aa tak,

Diɛt 65:4

Thieithieei në kɔc cï keek lɔc, kɔc cï keek bɛ̈ɛ̈i bïk rɛ̈ɛ̈r ɣöndu. Wo bï kuɛth në kapiɛth tɔ̈u ɣöndu, athiɛɛi de ka nu luaŋduön ɣeric.

Diɛt 85:13

Piathëpiɔ̈u abï lɔ ë Bɛ̈nydït nɔm ku le kueer luöi yen.

Diɛt 90:14

Thiɔ̈ŋ wopiɔ̈ɔ̈th në nhiëërduön agɔk aköölnyïïn, ke wo bï ket ku mitku piɔ̈ɔ̈th në pïïrda yic ëbɛ̈n.

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Jeremia 31:25

Yɛn bï kɔc cï bäp bɛ tɔ ril, ku yɛn bï raan ëbɛ̈n raan cï cɔk tɔ kɔ̈c tɔ kueth ë kuïn.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Jeremia 50:19

Yɛn bï kɔc ke Yithriɛl bɛ pɔ̈k nïïm pinyden. Abïk cam në kacaam ee luɔk në kuur ë Karmel nɔm, ku piny de Bacan, ku abïk cam në kak kɔɔrkï ëbɛ̈n, kak ee luɔk piny de Eparaim ku Giliyad.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

Epethiei 3:19

Aguɔkï nhiëërde ŋic, nhiëër wär ŋïnydekäŋ, ke we bï kuɛth në kuɛth ë Nhialic ëbɛ̈n.

Nyöŋ 33:23

Ku lueel jamë në biäk de dhiën ë Naptali an: “Naptali acïï Bɛ̈nydït thiëi kueth aläl në dhuëëŋ de yen piɔ̈u, Pinyden abï ɣet ë wöuwic gɔl në Baar ë Galili.”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”