Jeremia 31:13 - JAM DE NHIALIC 2011

¹³ Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Jeremia 31:13 ပူးပေါင်းရင်းမြစ်များ

Edhr 6:22

Ku jɔkï dhuëëŋ looi në nïn kadhorou, Dhuëëŋ de Kuïn Cïnic Luɔu, ku thiäŋ Bɛ̈nydït kepiɔ̈ɔ̈th në miɛt ë piɔ̈u në biäk cïï Yen Melik de Athiriya puɔ̈k piɔ̈u keek, ago keek kuɔny në luɔi de ɣön ë Nhialic de Yithriɛl.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Diɛt 126:5

Tɔ kɔc ee dhiau të com kek duumken, tɔ keek tem rɛɛpken në miɛtëpiɔ̈u!

Diɛt 148:12

Dhuök ku diäär kor kedhie, ku röördït ku mïth aya.

Diɛt 149:3

Lɛckï rinke në cɔ̈ŋ, guötkï lɔ̈r, ku thom lɛɛc wek En.

Diɛt 30:11

Yïn cï dhiënëpiɔ̈ndï puk ke ye cöŋ, yïn cï jiɛthëpiɔ̈ndï nyaai ku waar në miɛtëpiɔ̈u.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 60:20

Aköölkuön ke dhiëëu abïk thök. Bɛ̈nydït abï aa ɣɛɛrduön athɛɛr, ku abï tɔ̈u ë ceŋ awär akɔ̈l kekë pɛɛi.

Yith 61:2

Acï ya tooc bä kɔc bɛ̈n lɛ̈k luɔi cï akööl bɛ̈n, kööl bïï Bɛ̈nydït kɔcke kony ku tiɛɛm kɔc ke aterden. Acï ya tuööc bä kɔc dhiau duut piɔ̈u ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Bäny 21:21

Ku daaikï. Na lɔ duet ke Cilo bɛ̈n bei të le kek cöŋ në dhuëëŋic ëtɛ̈ɛ̈n ke we bɔ̈ bei në duumiic, ku raan ëbɛ̈n ë ye rɔt dɔ̈m tik në ke yiic, ku lɛɛrë baaidun piny de Benjamin ke ye tiiŋdu.