Jeremia 30:7 - JAM DE NHIALIC 2011

⁷ Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Jeremia 30:7 ပူးပေါင်းရင်းမြစ်များ

Cäk 32:7

Go Jakop riɔ̈ɔ̈c arëët, ku muum nɔm në kë bï looi. Ago kɔc rɛ̈ɛ̈r në yen tekiic në rou, ku tek thökiic, ku ɣɔ̈k ku thɔ̈rɔ̈l në luuny kaarou.

Diɛt 25:22

Nhialic, luäk kɔckuön ke Yithriɛl, në nuanden yic ëbɛ̈n.

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Yith 20:6

Të lee köölë bɛ̈n, kɔc rɛ̈ɛ̈r në akɛɛth ke Pilithiin abïk lueel an, “Tiëŋkï kë cï rɔt luöi kɔc ye wok röt kan ë keek, bïk wo kony në melik de Athiriya! Buk be pïïr adï?”

Jeremia 14:8

Yïn aye aŋäth töŋ de Yithriɛl, Ee Yïn ee raan ee wo kony ë riääkic. Eeŋö jɔ Yïn ciët alei pinyda, eeŋö ee Yïn ciët raan keny ee nïn tök thöl?

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 1:2

Piɛŋkï ee kënë, wek röördït, ku piëŋkï wek kɔc cieŋ piny ë Juda wedhie. De kë cït ee kënë cï rɔt kɔn looi në aköölkun yiic, ku nɔn yen akööl ke kuarkun yiic?

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Maika 4:9

Ku ënɔɔnë, eeŋö tɔ we dhiau arëët aya abäk ciët ka cïn nïïm melik? Cï raan ee we riit piɔ̈ɔ̈th thou? Eeŋö tɔ we dëŋ aya, abäk ciët tiiŋ rɔ̈p?

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Dhek 14:7

ayï mɔ̈ɔ̈th. Abï dɛ ɣɛɛr aköölnyïïn, ayï wakɔ̈u. Kööl bïï ee kënë rɔt looi ee Bɛ̈nydït Yen ŋic yen Yetök.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Mak 13:19

Aköölkë abïk aa kööl ke këtuc ë kɔc dhal, këtuc cïn kë kït ë yen, gɔl të ɣɔn ciɛkë Nhialic käŋ aɣët cï ënɔɔnë, ku acïn kë cït en bï lɔ̈ɔ̈k nu aɣet athɛɛr.

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk:

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Nyuuth 6:17

kööldïït ë agönhdɛn dït acï guɔ ɣëët, ku eeŋa duëër kɔ̈ɔ̈c lëu?”