Jeremia 30:20 - JAM DE NHIALIC 2011

²⁰ Yɛn bï riɛl tueŋ de jur pɔ̈k nɔm keek, ku akutnɔmden abä bɛ tɔ ril aläl, Yɛn bï kɔc ee keek yɔŋ ëbɛ̈n luöi këtuc.

Jeremia 30:20 ပူးပေါင်းရင်းမြစ်များ

Diɛt 102:18

Gäärkï kë cïï Bɛ̈nydït looi piny në biäk de rem bï lɔ̈ɔ̈k bɛ̈n ciëën, ago kɔc ŋoot ke ke kënë kɔn dhiëëth ye leec.

Diɛt 102:28

Mïth ke awuutku, abïk rëër ë nɔm lääu, ku Yïn abï keek gël. Ku kuatden abïï ke kony.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Dhiëëu 5:21

Bɛ̈ɛ̈iyë wok tënu Yïn, Bɛ̈nydït! Bɛ̈ɛ̈iyë wo ciëën! Puɔ̈kë wonïïm dhuëëŋdan thɛɛr.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Dhek 10:8

Acï Bɛ̈nydït lueel an, “Yɛn bï kɔckï cɔɔl ku mat keyiic tëtök. Abä keek luäk bei ë yic, ku ta keek kɛɛr arëët cït man ɣɔn tueŋ.

Dhek 8:5

Ku kuɛɛr ke Jeruthalem abïk bɛ thiäŋ në mïth thuɛ̈ɛ̈c, mïthwät, ku mïth duet.