Jeremia 30:16 - JAM DE NHIALIC 2011

¹⁶ Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 30:16 ပူးပေါင်းရင်းမြစ်များ

Diɛt 129:5

Raan man Dhiɔn ëbɛ̈n, abï tiaam ku leerë ciëën.

Bɛ̈n 23:22

Na lak gam thok, ku luɔikï këriëëc thɔ̈n week ëbɛ̈n, Yɛn bï gɔ̈m wokë kɔc de ater në week kedhie.

Kɛ̈ŋ 22:23

Bɛ̈nydït abï göönyden nööm ku tɔ kɔc wään cï kaken peec bɛ tɔ pec.

Yith 14:2

Kɔc juëc abïk keek kuɔny ke ke bï lɔ piny cïï Nhialic gäm keek, ku ëtɛ̈ɛ̈n juöör abïk baai de Yithriɛl aa luööi cï lïïm. Ku kɔc wään cï ke kɔn peec, ënɔɔnë abï Yithriɛl ke bɛ peec, ku abïk kɔc wään cï keek kɔn yɔŋ bɛ cieŋ.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 54:15

Na de raan mɛk yïn, cie Yɛn ë looi yen, raan ëbɛ̈n raan ee yïn yiɛ̈n tɔŋ abï löny.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Jeremia 12:14

Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 30:15

Du be gööny ë biäk ë tëtöökkun, acïn kë bï yïn tɔ waar. Wek cä luöi këtuc aya, në biäk juëc ë awɛ̈ɛ̈ckun, ku kërɛɛcdun adït.

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Dhiëëu 1:22

“Guiir löŋden në biäk de karɛcken ëbɛ̈n, luöi ë keek këtuc cït man cï yïn yɛn luöi këtuc në biäk de karɛckï. Yɛn teer ë nuanic, ku yɛn tök piɔ̈u në jɔk.

Edhekiɛl 29:6

Ëtɛ̈ɛ̈n abïï kɔc ke Rip jɔ ŋic kedhie nɔn ee yɛn Bɛ̈nydït.” Aye Bɛ̈nydït lueel an, “Baai de Yithriɛl ayek röt kan në week, wek kɔc ke Rip në biäk de kuɔɔny, ku wek cïï ŋuän në thieny kɔ̈c.

Edhekiɛl 35:5

“We aaye kɔc ke ater de Yithriɛl ë caŋɣɔn, ku takï kɔcke temë röt në akööl ke riääkde yic, akööl ciëën ke këtuc cï luöi yen në biäk de awɛ̈ɛ̈cke.

Jowɛl 3:8

Wɛ̈ɛ̈tkun, ayï duetkun abä keek ɣɔ̈c Juda. Ku abï Juda keek lɔ ɣɔ̈c kɔc ke Thabe, jur mec arëët. Kë cïï Bɛ̈nydït lueel ka.

Maika 4:11

Ku ënɔɔnë, juöör juëc acïk mat në këdu. Ayek lueel an, “Pälkï Jeruthalem ë le riɔ̈ɔ̈k ëtɛ̈ɛ̈n, ke buk wɔi piny ke cï riääk.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Naɣum 1:8

Ku abï kɔc ke aterde riɔ̈ɔ̈k në amooldït riŋ aläl, ku cop ke cök paan ë thuɔɔu.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Dhep 2:8

Acïï Bɛ̈nydït Awärjäŋ Nhialic lueel an, “Yɛn ë kɔc ke Mowap kekë Ammon piŋ ke ke lɛ̈ɛ̈t kɔckï, ku yekï ke jääm në wël kɔ̈ɔ̈th ke ke ɣɛ̈ɛ̈c kenïïm an bïk keek yak në riɛl pinyden.

Dhek 1:14

Go tunynhial lɛ̈k yɛn luɔi bän kë cï Bɛ̈nydït de rɛm lueel an, ‘Jeruthalem anhiaar arëët kekë Dhiɔn,

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Dhek 12:2

“Jeruthalem abä tɔ cït abïny ë mɔ̈u, ka juöör nu në yelɔ̈ɔ̈m abïk aa dek ku tuëkï cït kɔc cï wiɛɛt në mɔ̈u. Ku Juda abï gɛɛu cil, ku geeuwë Jeruthalem cil ayadäŋ.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.

Dhek 2:12

Ku Juda abï bɛ aa këde Bɛ̈nydït në pinydɛn ɣeric. Ku abï Jeruthalem bɛ lɔc.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Nyöŋ 30:7

Ku abï acienkë kedhie pɔ̈k në kɔc dɛ we ater gup. Kɔc man week ku yek week yɔŋ.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

1 Tham 17:53

Na wën, aacï kɔc ke Yithriɛl kenïïm lɔ dɔk në kecök, ke ke yak wun ë Pilithiinic.