Jeremia 30:15 - JAM DE NHIALIC 2011

¹⁵ Du be gööny ë biäk ë tëtöökkun, acïn kë bï yïn tɔ waar. Wek cä luöi këtuc aya, në biäk juëc ë awɛ̈ɛ̈ckun, ku kërɛɛcdun adït.

Jeremia 30:15 ပူးပေါင်းရင်းမြစ်များ

Edhr 9:13

Cak an cï kakë kedhie röt luöi wook, ke ye luɔi looiyë wonïïm në biäk de karɛckuɔ ku awɛ̈ɛ̈ckuɔ, ke Yïn Nhialicda, Yïn cï wo luöi këtuc thiin cïï nɔm duëër awɛ̈ɛ̈ckuɔ ku tɔ wo poth.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 34:6

Yɛn cïn guöp awäc, ku ayek a cɔɔl an raan ë wël töör. Tɔ̈ɔ̈kdï acï dem të cak ɛn guöp ciën awäc.

Diɛt 107:17

Kɔc kɔ̈k ayek dhän de gup juäi, në biäk de kërac cïk looi, ku në biäk de racden,

Yith 1:6

Gɔl në yïnɔm ale guööt në yïcök acïï piɔl. Tëtöök cï kuëër ku ɣään cï piɔ̈ɔ̈ny ëbɛ̈n akënë keek deer nyïïn ku kënë keek tɔc nyïïn ë miök.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 15:18

Eeŋö jan tɔ̈u ë nuanic? Eeŋö cïï kënë tëtöökkï waar? Eeŋö kën kek dem? Kɔɔr bä ya tɔ jeth piɔ̈u cï nyin ee dëu mɔ̈i?”

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 30:12

Aye Bɛ̈nydït lɛ̈k kɔcke an, “Tëtöökkun acïkï waar, bɔ̈ɔ̈tkun acïkï dem.

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 46:11

Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Dhiëëu 1:5

Kɔc de ater në Dhiɔn acïk tiam, ka amukkï në riɛlden. Acïï Bɛ̈nydït tɔ nuan në biäk de karɛckɛn juëc kedhie. Mïthke acï keek peec ku jɔtë keek wei.

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 3:39

Eeŋö ee wo tɔ gööny të cïï wook luöi këtuc në biäk de karɛckuɔ?

Dhiëëu 4:13

Ku kënë ë rɔt looi, në biäk cïï tït ke Jeruthalem kërac looi, ku bäny de kake Nhialic adekï gup gääk de thon de kɔc cïn kë cïk wööc.

Maika 1:9

“Në baŋ ye tëtök de Thamaria tëtök cie dem, ee tëtök ee thuɔɔu bɛ̈ɛ̈i, ku abï Juda cuööp. Abï ɣet ë Jeruthalem yic cil, wun ë kɔckï.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.