Jeremia 30:13 - JAM DE NHIALIC 2011

¹³ Acïn raan bï we kuɔny, acïn acuut ë biäk ë bɔ̈ɔ̈tkun, acïn aŋäth ë biäk bä wek dem.

Jeremia 30:13 ပူးပေါင်းရင်းမြစ်များ

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 5:18

Ee raan luöi tëtöök ku deer ke nyïïn ee raan yup ku aye tɔ dem.

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Diɛt 142:4

Të tiëŋ yɛn yalɔ̈ɔ̈m, aya yök ke cïn raan kony yɛn, acïn raan gël yɛn. Acïn raan ee diɛɛr në yɛn.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Yith 1:6

Gɔl në yïnɔm ale guööt në yïcök acïï piɔl. Tëtöök cï kuëër ku ɣään cï piɔ̈ɔ̈ny ëbɛ̈n akënë keek deer nyïïn ku kënë keek tɔc nyïïn ë miök.

Yith 59:16

Acï gäi arëët në yen e tïŋ ke cïn raan kony kɔc yɔŋ. Ka yen abï piathëpiɔ̈nde nyuɔɔth bïï yen kɔcke luök.

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 17:14

Bɛ̈nydït tɔ ya dem ku yɛn bï waar taitai, luäk yɛn ku acïn kë bän riɔ̈ɔ̈c. Ee Yïn ee raan ya leec!

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Jeremia 46:11

Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 6:7

Cït man ye yith pïïu piɛth ke muk, yen aye Jeruthalem kërɛɛcde muk apiɛth. Yɛn akuöörkuöör ku riääk piŋ ë pänydït yic, jɔk ku tëtöök ee kek ya tïŋ ëbɛ̈n.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Edhekiɛl 22:30

Yɛn kɔɔr raan duëër kal yïk, raan duëër kɔ̈ɔ̈c të cï riääk në kal kɔ̈u, ku bïï piny gël të cïï agönhdï thiɔ̈k ke luɔi riëëk en en, ku acïn raan cä bɛ̈n yök.

Edhekiɛl 30:21

“Mɛnh ë raan, Yɛn cï meliŋ de Rip dhoŋ kök. Acïn raan cï ye duut, ku deer ë lupɔ ago dem ku be riɛl ke bï abätäu bɛ lëu në muk.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.