Jeremia 3:24 - JAM DE NHIALIC 2011

²⁴ Ku läm de Baal yanh de guöp ayäär, acï thökkuɔ ku ɣɔ̈kkuɔ, ku wɛ̈ɛ̈tku ku duetkuɔ, ku këriëëcda ëbɛ̈n ka cïï kuarkuɔ looi thɛɛr tɔ mär.

Jeremia 3:24 ပူးပေါင်းရင်းမြစ်များ

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 22:21

Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 44:7

“Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Jeremia 9:18

Go kɔc lueel an, “Lëkkï keek bïk dap bɛ̈n bïk din ë dhiëëu bɛ̈n kɛ̈t wook, agut të bï wok nyïïn löny në pïïu, ku wac nhïm ke wonyïïn në pïïu ke dhiëëu.”

Edhekiɛl 16:19

Yïn cä gäm kuïn piɛth, ku miök de olip, ku miök de kiëc, ku acï ke lɔ gam ke ke ye miɔ̈c, ago yiëth piɔ̈ɔ̈th miɛt në yïn.” Kënë lueel Bɛ̈nydït Awärjäŋ kï.

Edhekiɛl 16:20

“Na wën ke yï jɔt mïth wɛ̈t ku duet cï dhiëth ɛn, ku lɔ ke gam ke ke ye miɔ̈c näk de yiëth. Ë cïï rac arëët luɔi cïï yïn adöt tëde yɛn,

Edhekiɛl 16:61

Yïn bï kë wään cï looi tak, ku yïn bï guöp yäär në yen, të le ë yï nyankui dït kekë nyankui koor bɛ̈n ciëën. Abä ke tɔ cït nyïïrku tëde yïn, cakaa nɔn liiu ee kënë në mändï yic wo yïn.

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Ɣodh 2:8

Akuc ë kɔc ke Yithriɛl nɔn ee Yɛn ë gëm keek rap, ku mɔ̈u, ku miök. Ku akuckï aya nɔn ee Yɛn ë ŋuak adhɛ̈pke nyïïn, ku atekkɛn ye kek Baal lam.

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.