Jeremia 3:22 - JAM DE NHIALIC 2011

²² Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 3:22 ပူးပေါင်းရင်းမြစ်များ

Diɛt ke 1:4

Jɔt ɛn wo yïn, ku kɔtku, tɔ rɔt ee melikdï, ku lɛɛrë yɛn ɣöndu. Ke wok bï piɔ̈ɔ̈th miɛt ëtök, deku nhiëër arëët, cït man ë kɔc cï dek në mɔ̈u. Yen kë ye diäär ëbɛ̈n yïn nhiaar ka!

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 27:8

Acï Bɛ̈nydït ke luöi këtuc në luɔi cïï Yen ke lɛɛr ë pɛ̈cic. Aake jɔt wei në yom de guöp akuöörkuöör ë bɔ̈ të lɔ aköl amiäk.

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 31:18

“Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.