Jeremia 3:18 - JAM DE NHIALIC 2011

¹⁸ Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 3:18 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Jeremia 16:15

Abïk aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de rut, ku në wuöt kɔ̈k yiic, wuöt cän keek thiäi piny. Abä keek bɛ̈ɛ̈i ciëën pinyden, piny cä gäm kuarken. Acä lueel, Yɛn Bɛ̈nydït.”

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Jeremia 50:20

Të le köölë bɛ̈n, acïn kërɛɛc bïï yök ë Yithriɛl, ku acïn luɔi rac ë Juda, në biäk bän kɔc cän wëiken pɔ̈l, päl awɛ̈ɛ̈c. Acä Lueel, Yɛn Bɛ̈nydït.”

Jeremia 50:4

Aye Bɛ̈nydït lueel an, “Të le ee köölë bɛ̈n kɔc ke Yithriɛl ayï kɔc ke Juda abïk bɛ̈n ke ke dhiau, ke ke kɔɔr Yɛn, Yɛn Nhialicden.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Jeremia 7:7

Të la wek röt waar, wek bä tɔ rɛ̈ɛ̈r eenë, piny cä gäm wärkun bïk lɔ̈ɔ̈k lak athɛɛr.

Edhekiɛl 11:17

“Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Ɣodh 2:2

“Jänykï mɔɔrdun mïthkï, na cakaa nɔn cï yen a puɔ̈l ku tɔ rɔt ee tiiŋ ë mony däŋ. Jamkï në yen, takï päl kɔ̈ɔ̈r ë röör ku cäth thïn. Ku ë cïï rɔt be gäm röör.

Amoth 9:15

Abä ke wɛc thäär piny pinyden. Ku cïn raan bï ke bɛ nyuän thäär bei pinydɛn cä gäm keek. Ee kë cï ë Bɛ̈nydït Nhialicdun lueel.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Dhek 2:6

Go Bɛ̈nydït cööt an, “Katkï, bäkï. Kualkï röt piny lɔ të lɔ rut. Në biäk cän we thiäi piny në aguuk ke pinynɔm kaŋuan yiic.