Jeremia 3:14 - JAM DE NHIALIC 2011

¹⁴ “Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 3:14 ပူးပေါင်းရင်းမြစ်များ

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 10:22

Cakaa nɔn juëc ë kɔc ke Yithriɛl ënɔɔnë cït liɛɛt ë wɛ̈ɛ̈r yɔu, ee kɔc lik kek abï lɔ bɛ̈n ciëën. Në biäk cïï riääk thiäŋ ke piathëpiɔ̈u täu keek ku arɔ̈ŋ ke keek ë liŋliŋ.

Yith 17:6

Ee kɔc lik tei kek abï döŋ apïïr, ku Yithriɛl abï ciët tim de olip cï tet nɔm ëbɛ̈n në mïth, ale döŋ ke ye mïth kaarou ku nɔn yek diäk në yenɔm nhial ya, ku nɔn ee ka lik cï döŋ në kër nu të lɔ pinyë. Acä lueel, Yɛn Bɛ̈nydït Nhialic de Yithriɛl.”

Yith 27:12

Në ë köölë, gɔl në wɛ̈ɛ̈r ë Yuparat ɣeet në aken ë Rip, Bɛ̈nydït abï kɔcke määtiic ëtök ëtök, cït man ye raan rap pɔ̈c bei në ayiɛlic.

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 31:6

Ee yic, akööl abïkï, akööl bï kɔc ee tïït në piny ë kuur de Eparaim yic, aa cööt an, ‘Lokku Dhiɔn, të nu Bɛ̈nydït Nhialicda.’”

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.