Jeremia 3:1 - JAM DE NHIALIC 2011

¹ Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:1 ပူးပေါင်းရင်းမြစ်များ

Diɛt 106:38

Ayek riɛm de kɔc cïn gup awɛ̈ɛ̈c tɔ kuëër, riɛm de wɛ̈ɛ̈tken ku duetkɛn yek näk yiëth ke Kanaan, ago piny jɔ riääk ë baŋ de nääk ë kɔc.

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 2:7

Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Jeremia 22:20

Kɔc ke Jeruthalem lakkï Lebanɔn ku cötkï, lakï piny de Bacan ku dhiaukï, yak cööt në kur ke Mowap nïïm, në biäk cïï kɔc ee mat në week kedhie tiaam.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 3:9

ku yen aa cïn guöp ayäär. Acï piny dhiöök, në kë yen kur ku tiim lam.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Edhekiɛl 16:26

We cï dhööm thiääk ë week, kɔc ke Rip, tɔ tɔ̈c në week, ku wek cïï ë baldun tɔ göth në yɛn.

Edhekiɛl 16:30

Kën ye Bɛ̈nydït Awärjäŋ lueel kï an, “Yïn cï ee kakë kedhie looi, ke ye tiiŋ akɔɔrröör cïï guöp ee yäär.

Edhekiɛl 16:35

Ku ënɔɔnë da yïn Jeruthalem akɔɔrröör! Piŋ kë lueel Bɛ̈nydït Awärjäŋ.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 2:2

“Jänykï mɔɔrdun mïthkï, na cakaa nɔn cï yen a puɔ̈l ku tɔ rɔt ee tiiŋ ë mony däŋ. Jamkï në yen, takï päl kɔ̈ɔ̈r ë röör ku cäth thïn. Ku ë cïï rɔt be gäm röör.

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Dhek 1:3

ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week.

Math 5:31

Acï lueel ɣɔn aya an, “Raan pɔ̈k kekë tiiŋde, ke gɛm awerek de pɔ̈k”.

Nyöŋ 22:21

ke duet abï jɔt ëtɛ̈ɛ̈n, ku leerkï ɣön ë wun thok, ku abïï kɔc ke wunden jɔ biöök abï thou. Acï ayäär looi në kɔckuɔ yiic, në biäk ee yen tɔ̈c ke moc ke kën ë kɔn thiaak, ku aa ŋoot ke rɛ̈ɛ̈r baai de wun. Në ee kueerë we bï ee kërɛɛcë jɔ nyaai.

Bäny 19:2

Go tiiŋ mɔ̈thde piɔ̈u diu ke yen, ago nyääŋ piny, ku lee rëër paan ë wun në Bethleɣem de Juda. Na wën aacï rëër ëtɛ̈ɛ̈n ë pɛ̈i kaŋuan.