Jeremia 29:26 - JAM DE NHIALIC 2011

²⁶ “Bɛ̈nydït acï yïn tɔ ee bɛ̈ny de kake Nhialic në nyin de Jeɣoyada yic, ku ënɔɔnë yïn ee bɛ̈ny tueŋ ë Luaŋdïtic. Ee luɔidu bä raan ëbɛ̈n raan cï miɔ̈l, raan ee rɔt tɔ ee tiët, bä rek ë joth, ku tääuwë lääk ë wëëth ë yeyeth.

Jeremia 29:26 ပူးပေါင်းရင်းမြစ်များ

2 Mel 11:15

Jeɣoyada bɛ̈ny de kake Nhialic, aa cïï kɔɔr në luɔi bïï Athalia nɔ̈k në Luaŋdït yic, go bɛ̈ny nu në rem de tɔŋ nɔm yɔ̈ɔ̈k an, “Bɛ̈ɛ̈ikï bei në kɔciic, ku na de raan kɔɔr bï ye kony, ke näkkï.”

2 Mel 11:18

Ku ëtɛ̈ɛ̈n kɔc ke wut acïk lɔ luaŋ de Baal, ku reetkï yic piny, ku jiëpkï yïk piny, ayï yiëthke ku näkkï Matan, bɛ̈ny de kake Baal në yïk kɔ̈u. Jeɣoyada ë kɔc kuany bïk Luaŋdït lɔ tiit.

2 Mel 9:11

Go Jeɣu yenɔm pɔ̈k kɔc ee bɛ̈nyde luööi, gokï lɔ thiëëc an, “Ee këpiɛth? Eeŋö bï amiɔ̈lë bɛ̈n kɔɔr tëde yïn?” Go lɛ̈k keek an, “Wek ŋic kë kɔɔr ee wënë.”

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

2 Lëk 18:26

lɛ̈kë keek bïk cuat alooc yic, ku bïk tɔ cäm në kuïn ku dɛ̈k ë pïïu, agut të bän lɔ bɛ̈n ciëën në mät.”

Jeremia 29:27

Eeŋö kën wek ee kënë luöi Jeremia de Anathoth, raan ee kɔc jääm ke ee tiët?

Jeremia 38:28

Ago yɛn jɔ muk ɣön ë bääny yic agut cï kööl ɣɔn bï ë Jeruthalem peec.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Math 21:23

Na wën, acï bɛ̈n Luaŋdït, ke bänydït ke ka ke Nhialic kekë röördït ke kɔc yiic ke ke bɔ̈ të nu yen, të wëët en kɔc, bïk ku thiëckï an, “Ë riɛlou looi yïn ee kakë? Ku eeŋa ë gëm yïn ee riɛlë?”

Mak 3:21

Na wën, aacï määthke ye piŋ, ke ke lɔ biic lek dɔm: ayek lueel an, “Jiɛɛm wei!”

Jɔn 10:20

Aa lueel kɔc juëc an, “Ade guöp jɔŋ rac! Ka ye miɔ̈l! Eeŋö piɛŋ wek këde?”

Jɔn 10:33

Go Judai bɛ̈ɛ̈r an, “Acie biäk de luɔi piɛth en ë biöök wok yïn ee biäk de län ee yïn Nhialic lat, ku luɔi ee yïn rɔt tɔ ye Nhialic, ku ye raan tei!”

Jɔn 8:53

Wär wääda Abraɣam në dït, raan cï thou? Ayï tït acïk thou: ye rɔt tɔ ye ŋa?”

Luɔi 16:24

Ku yen, të cï e lɛ̈k löŋ cït ee kënë, ke ke jɔ tääu aloocic cil, ku mɛc kecök në tiim kɔ̈ɔ̈th.

Luɔi 26:11

Aake ya cool ë duöi ɛn ke ë ɣööt ke Nhialic yiic kedhie, ku ja ke dhil aa tɔ lat Nhialic, aguɔ ke yɔŋ ɣɛɛt pɛ̈ɛ̈nydït lei në agönhdïït aa yɛn gɔ̈th wo keek.

Luɔi 26:24

Na wën, të ŋootë Paulo ke luel këde, ke jɔ Petheto lueel ë röl dït an, “Paulo, yïn ë miɔ̈l, ŋïny ŋic yïn käŋ arëët acï yï tɔ miɔ̈l!”

Luɔi 26:25

Go bɛ̈ɛ̈r an, “Yɛn kën miɔ̈l, yïn adhuɛ̈ŋ dït Petheto, yɛn luel wël yith wël ke piathënɔm.

Luɔi 4:1

Na wën, aŋootkï ke ke jam në kɔc, go bäny ke ka ke Nhialic ku bɛ̈ny ë rem de Luaŋdït ku Thadokai, bɛ̈n ë keyiic.

Luɔi 5:18

agokï tuuc dɔm, ku tɛ̈ɛ̈ukï keek ɣön ee kɔc mac.

Luɔi 5:24

Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.

2 Kor 11:33

Ku yɛn aa luɛɛiyë piny ë diönyic ë awëërnyin, awër nu ë päny kɔ̈u, aguɔ ban në yecin.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.