Jeremia 29:20 - JAM DE NHIALIC 2011

²⁰ Week wedhie, wek kɔc cä tuɔɔc Babilonia ke we cï peec, piɛŋkï kë luɛɛl, Yɛn Bɛ̈nydït.’

Jeremia 29:20 ပူးပေါင်းရင်းမြစ်များ

Jeremia 24:5

“Yɛn Bɛ̈nydït Nhialic de Yithriɛl, Yɛn ee kac cï peec leerë keek Jeruthalem tïŋ cï mïth ke ŋaap piɛth, ku bä ke looi apiɛth.

Jeremia 29:1

Yɛn cï awerek gäär bäny ke kake Nhialic, ku tït, ku röördït, ku lɔ kɔc kɔ̈k cï Nebukadnedhar ke jɔt ë Jeruthalem lee ke Babilonia ke ke mac.

Jeremia 29:2

Yɛn aa gär wään cïï ë kɔckë peec cök, yï: melik Jekonia, ku man, ku rooc, ku bäny ke Juda kekë Jeruthalem, ku atëët, ku röör ŋic luɔi aläl, wään cï ë keek peec.

Jeremia 29:31

“Tuöcë kɔc cï peec kedhie, luel an kë lueel ë Bɛ̈nydï kï në biäk de Cemaya wën de Neɣelam an: Në biäk cï Cemaya cɔ̈ɔ̈r të de week ke kën tooc, ku tɔ week ŋäth lueth.”

Edhekiɛl 11:9

Wek bä bɛ̈ɛ̈i bei ë pänydït yic ku gäm week alɛi. Wek cä ke mäc thuɔɔu,

Edhekiɛl 3:11

Ku ëtɛ̈ɛ̈n jɔ lɔ tëde kɔckuön tɔ̈u piny lei, ku lɛ̈kë keek kë luɛɛl, Yɛn Bɛ̈nydït Awärjäŋ. lɛ̈kë keek ee kënë, na bïk piŋ ku na cïkï bï piŋ.”

Edhekiɛl 3:15

Guɔ bɛ̈n Tel Abib në Kiir de Cebar yɔu, të wään rëër ë kɔc cï lɛɛr piny lei thïn, guɔ rëër ëtɛ̈ɛ̈n në nin kadhorou, ke ya cï nɔm mum në ka cä tiŋ ku ka cä piŋ.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.