Jeremia 29:12 - JAM DE NHIALIC 2011

¹² Ëtɛ̈ɛ̈n yïn bï Yɛn aa cɔɔl. Yïn bï bɛ̈n ku läŋ Yɛn, ku Yɛn bï lɔ̈ŋdu bɛ̈ɛ̈r.

Jeremia 29:12 ပူးပေါင်းရင်းမြစ်များ

2 Lëk 33:13

Go Nhialic lɔ̈ŋ de Manatha gam ku puk yenɔm Jeruthalem ku be aa melik. Kënë acï Manatha bɛ̈n ŋic nɔn ye Bɛ̈nydït Nhialic.

2 Lëk 6:38

Na cïk kepiɔ̈ɔ̈th puk ë yic në piɔ̈nden ëbɛ̈n ee piny cï ë keek lɛɛr thïn ke ke cï peec, ku lɛ̈ŋkï ke ke wel kenïïm piny cï gäm kuarkuɔ, ku wëlkï kenïïm pänydït cï lɔc, ku welkï kenïïm Luaŋdït cä yiɛ̈k yïnë,

Jop 22:27

Abä lɔ̈ŋ ku abï këdu piŋ, ke yïn bï këduön cïï yïn kuëŋ looi.

Diɛt 10:17

Yïn bï lɔ̈ŋ de kɔc cï miɛn aa piŋ Bɛ̈nydït, ku abä keek riit piɔ̈ɔ̈th.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Jeremia 50:4

Aye Bɛ̈nydït lueel an, “Të le ee köölë bɛ̈n kɔc ke Yithriɛl ayï kɔc ke Juda abïk bɛ̈n ke ke dhiau, ke ke kɔɔr Yɛn, Yɛn Nhialicden.

Jeremia 51:50

Aye Bɛ̈nydït lɛ̈k kɔckɛn nu ë Babilonia an, “Wek cï ban ë thuɔɔu thok! Ënɔɔnë jälkï! Duökï tït! Cakaa nɔn mɛc wek në pinydun, yak Yɛn tak, Yɛn Bɛ̈nydïïtdun, ku yak Jeruthalem tak.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.