Jeremia 29:10 - JAM DE NHIALIC 2011

¹⁰ “Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 29:10 ပူးပေါင်းရင်းမြစ်များ

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Diɛt 102:14

Awuutku anhiaarkï Jeruthalem, cakaa nɔn cïï ë yen riɔ̈ɔ̈k, ayek piɔ̈ɔ̈th kok në yen, cakaa nɔn cïï ë yen thuöör piny.

Jeremia 25:11

Yen ee pinyë ëbɛ̈n abï nyääŋ piny ke cï riääk, ku ye të rac ë tïŋ, ku juöör thiääk ë week abïk melik de Babilonia aa luööi në run kathiërdhetem.

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 27:22

Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 29:28

Abï dhil tɔ kääc, në biäk cï yen kɔc nu ë Babilonia yɔ̈ɔ̈k nɔn bï kek ŋoot ke ke mac kaam bäär, ku abïk ɣööt dhil yïk, ku ɣɛpkï, ku comkï duum, ku ciɛmkï këdɛn cïk com.”

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 33:14

Go Bɛ̈nydït lueel an, “Akööl abïkï akööl bän gutguut cä lɛ̈k baai de Yithriɛl kekë baai de Juda looi.

Edhekiɛl 11:17

“Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhek 1:12

Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Ruuth 1:6

Na ɣɔn, aa ŋoot Nawomi ke rɛ̈ɛ̈r piny de Mowap, ke piŋ luɔi cïï Bɛ̈nydït kɔcke lɔ̈ɔ̈k loor, ka acïk nïïm dɛ këcam. Go Nawomi guik kekë diäär ke wɛ̈ɛ̈tke.