Jeremia 28:15 - JAM DE NHIALIC 2011

¹⁵ Go tiët Jeremia lɛ̈k Ɣanania an, “Piëŋë Ɣanania! Bɛ̈nydït akën yïn tooc, ku yïn tɔ kɔckë gam lueth.

Jeremia 28:15 ပူးပေါင်းရင်းမြစ်များ

1 Mel 22:23

Go Mikaya jamde thïk thar an, “Yen kë ë loi rɔt ka. Bɛ̈nydït ë tïtkuön kë tɔ töör yïn lueth. Ku yen guöpde ë löŋ tääu piny an bï riääk yï yök!”

Jeremia 20:6

Ku yïn Pacur, yïn bïï peec ku leerë yïn Babilonia. Ku yïn bï thou ku tɔ̈ɔ̈u yïn ëtɛ̈ɛ̈n, wekë määthku kedhie, määthkuön wään ye ke lɛ̈k mɛth juëc.’ ”

Jeremia 23:21

Go Bɛ̈nydït lueel an, “Yen kën ee tïtkë tooc, ku acïk dhil ŋoot ke ke lɔ. Acïn jam cä gäm keek, ku acïk ŋoot ke ke jam në rinkï.

Jeremia 23:31

Ku Yɛn göth wo tït ee wëlken lueel, ku yek lueel an ee jam ë bɔ̈ tëde Yɛn.

Jeremia 27:15

Acïï Bɛ̈nydït lueel nɔn cie yen ë toc keek, ku acaar lueth në rinkï. Ka yen abï we cuɔp wei, ku wek bï nɔ̈k, week në tït ee lueth caar.”

Jeremia 28:11

Ku lueel Ɣanania ë kɔc nïïm kedhie an, “Acïï Bɛ̈nydït lueel an yen kueer bï yen wai cïï melik Nebukadnedhar tääu ë juöör yiëth kedhie ka, ku abï ee kënë looi ë run yiic kaarou.” Ago tiët Jeremia jäl.

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 7:8

“Tiëŋkï wek ee wël ke mɛth ŋɔ̈ɔ̈th.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!

Edhekiɛl 13:9

Wek bä luöi këtuc ee nïnkë yiic, wek tït ee nyuuth ë lueth, ku yak cɔ̈ɔ̈r në tör. Wek cïï bï tɔ̈u në amat de löŋ ë kɔckï yiic, ku rinkun acïï ke bï mat në kuën de baai de Yithriɛl yic, wek cïï röt bï puɔ̈k piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.

Edhekiɛl 22:28

Tït ayek ee karɛckë moony cït man ye kɔc päny tɔc kɔ̈u në kïn ɣer. Ayek nyuuth lueth tïŋ, ku yek tör caar. Ayek lueel an guiirkï wël ke Awärjäŋ Bɛ̈nydït lueel, ku yɛn Bɛ̈nydït, yɛn kën jam wo keek.

Dhek 13:3

Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en.

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.

Nyöŋ 18:20

Ku na de tiët lɔ jam lueel në rinkï të kën Yɛn yen yöök bïï kënë lɔ looi, abï dhil thou në këde, ku yen ee täu bï tït ee jam ë rin ke yiëth kɔ̈kkë tɔ̈u.’