Jeremia 27:7 - JAM DE NHIALIC 2011

⁷ Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 27:7 ပူးပေါင်းရင်းမြစ်များ

Diɛt 37:13

Ku Bɛ̈nydït ee kɔc rac geet gup, në luɔi ŋic en en nɔn cï aköölken guɔ thiɔ̈k.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 21:9

Kɔc acïk guɔ bɛ̈n ëthiäu! Kɔc nu ë jöŋgöör kɔ̈ɔ̈th aciɛthkï ë rou ku rou. Aŋoot raan tït ke ciɛɛl thok an, “Babilon ë wïïk! Yiëthkɛn yek lam adhɔtkï piny ke ke cï dhuɔɔŋ.”

Jeremia 27:22

Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 34:1

Go jam de Bɛ̈nydït bɛ̈n tëde yɛn, wään bï Nebukadnedhar melik de Babilonia kekë remdɛn de tɔŋ, ku akony ë rɛm ke juöör ku thook ëbɛ̈n, juöör wään cï ke peec, aake mɛk Jeruthalem ku lɔ wuöt thiääk në yen.

Jeremia 44:30

Yɛn bï Ɣopra melik de Rip gäm kɔc de ater në yen, ku abä gäm kɔc kɔɔr bïk yen nɔ̈k, cït man wään cän Dhedekia melik de Juda gäm Nebukadnedhar melik de Babilonia, aaye raan de aterde ku aa kɔɔr bï yen nɔ̈k.”

Jeremia 46:13

Wään bïï Nebukadnedhar melik ë Babilonia bɛ̈n bïï Rip bɛ̈n mak, Bɛ̈nydït acï jam ke tiët Jeremia, lueel an,

Jeremia 52:31

Në ruöön ɣɔn ye Ebilmerodak melik ë Babilonia, acï kokdepiɔ̈u nyuöth Jekonia melik de Juda, në luny lony yen en ë alooc yic. Kënë aa loi rɔt në kööl de thiërrou ku dhïc, në pɛɛi de thiëër ku rou, ë ruöön thiërdiäk ku dhorou, wään cï ë Jekonia peec ke mac.

Edhekiɛl 30:24

Ku ëtɛ̈ɛ̈n Yɛn bï kök ke melik de Babilonia tɔ ril ku tääu abätäudï në yecin. Ku yɛn bï kök ke melik de Rip dhuööŋ, ka bï teer ku thou në kɔc ke aterde nïïm.

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 4:22

“Yïn melik, yïn aye tim bɛ̈ɛ̈r ril. Yïn cï dït aläl ka yïn cï ɣet nhial, ku riɛldu acï ɣet ë piny thar.

Ɣabakuk 2:7

Kɔc ë yak dhɛ̈ɛ̈n abïk röt jɔt në agɔ̈th ëthiäu, ku pukkï röt week rumkï këriëëc cath ke week, ku jɔ we lath ke we kääc ku ciɛ̈nkï nïïm riɛl ka wek bï lööny në kecin.

Ɣabakuk 2:8

Wek cï kɔc juëc ke juöör peec, kɔc cï döŋ apïr abïk week bɛ peec ayadäŋ. Në biäk cä wek kɔc nɔ̈k, ku kuörkï juöör ke pɛ̈ɛ̈nydït ke pinynɔm ëbɛ̈n.

Nyuuth 14:8

Na wën, ke tunynhial däŋ löök bɛ̈n, bï ku lueel, an, “Acï wïïk! Acï wïïk, yen Babilon pänydïït dïïtë, luɔi cï en juöör tɔ dëk ëbɛ̈n në mɔ̈n ë agɔ̈th agönh ë bïïyë bɛɛlde!”

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.