Jeremia 27:5 - JAM DE NHIALIC 2011

⁵ “Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Jeremia 27:5 ပူးပေါင်းရင်းမြစ်များ

Cäk 1:25

Go Nhialic läi roor cak cït man ë nyïïnken, ku ciɛk läi wut cït man ë nyïïnken, ku ka ye mol piny kedhie cït man ë nyïïnken. Go Nhialic ë kënë tïŋ ke piɛth.

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Neɣe 9:22

“Acï keek tɔ tiam juöör, ku ciɛɛŋ juëc ku piiny nu në akɛɛthken nïïm, acïk piny de Ɣecbon, ɣɔn mɛcë Thiɣon bɛ̈n dɔm në riɛl, ku piny de Bacan ɣɔn nu ë Og ke ye melik thïn.

Diɛt 102:25

wään thɛɛr Yïn cï pinynɔm cak, ku loi paannhial në cinku.

Diɛt 96:5

Kɔc ke pinynɔm ayek yiëth lam, ku Bɛ̈nydït Yen aa cak paannhial.

Bɛ̈n 20:11

Në luɔi ë cak Ɛn piny nɔm, ayï nhial, ayï wɛ̈ɛ̈r në këriëëc tɔ̈u në keyiic ëbɛ̈n në akööl kadhetem, ku ja bɛ̈n lɔ̈ŋ në kööl ye akööl dhorou. Yen aa thiɛɛi Ɛn kööl ë Thabath ku ta ɣeric.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 48:13

Cinkï kek aa loi këërkëër de piny, ku thiɛth Paannhial. Ɣɔn caal Ɛn piny ke të nhial, gokï bɛ̈n raan tök ku nyoothkï röt.

Yith 51:13

Cäk nïïm guɔ määr në Bɛ̈nydït, raan ë cak week, raan ë thieth paannhial ku tɛ̈ɛ̈u këërkëër ke piny piny? Eeŋödäŋ ya wek tɔ̈u në riɔ̈ɔ̈c yic në agönh de kɔc yɔŋ week, kɔc kɔɔr bïk we riɔ̈ɔ̈k? Agönhden acïï week bï bɛ riɔ̈ɔ̈k.

Jeremia 27:4

lɛ̈kë keek jamë bïk lɔ lɛ̈k bänyken an, Bɛ̈nydït de rɛm, Nhialic de Yithriɛl, acï yɛn yɔ̈ɔ̈k, bä keek yɔ̈ɔ̈k, bïk meliiken lɔ yɔ̈ɔ̈k nɔn cïï Bɛ̈nydït ye lueel an,

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Jeremia 51:15

Bɛ̈nydït acï piny looi në riɛlde, ku cɛk piny nɔm në pɛlënɔmde, ku thieth tënhial.

Danyel 2:38

Acï yïn tɔ ee bɛ̈ny de piny ceŋ nɔm ëbɛ̈n, ku bɛ̈ny nu në läi nïïm ëbɛ̈n ayï diɛt. Yïn aye nɔm de adhääp.

Danyel 4:14

Go cööt ë röldït an, “Yiɛpë tim piny, ku kiɛpë kërke wei, ku yiɛ̈ɛ̈rë yïthke wei ku wɛɛrë mïthke wei, cop läi në yethar ku tuur diɛt ë yenɔm.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:22

“Yïn melik, yïn aye tim bɛ̈ɛ̈r ril. Yïn cï dït aläl ka yïn cï ɣet nhial, ku riɛldu acï ɣet ë piny thar.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.

Luɔi 17:24

Nhialic, Raan ë cak piny ku ka nu ë yenɔm kedhie, luɔi ee yen Bɛ̈nydïït de paannhial ku piny, acie rëër ë luëk yiic, luëk cï yïk ë kɔc cin.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Nyöŋ 2:19

Ku ëtɛ̈ɛ̈n wek bï jɔ thiääk në paan de kɔc ke Ammon. Duökï kɔc ke Ammon yɔŋ, ku duökï keek köör akɔ̈ɔ̈k, wek cä bï gäm piny de kɔc ke Ammon. Acä gäm wɛ̈ɛ̈t ke Lɔt ke ye këden.

Nyöŋ 2:21

Ku ayek kɔc ril ku juëckï arëët, ku abɛ̈ɛ̈rkï cït man ë kɔc ke Anakim. Go Bɛ̈nydït keek riɔ̈ɔ̈r nyïïn liŋliŋ. Go kɔc ke Ammon pinyden nööm ku ɣɛ̈pkï thïn.

Nyöŋ 2:7

“Ku Bɛ̈nydït Nhialicdun acï luɔi yak looi në wecin thieei yic ëbɛ̈n. Acï week tiit në cäthduön wään cath wek ë jɔ̈ɔ̈r dïïtë yic ëbɛ̈n. Në ee runkë yiic kathiërŋuan Bɛ̈nydït Nhialicdun acï week tiit, ku acïn kë cï dak tëde week.

Nyöŋ 2:9

Ago Bɛ̈nydït ɛn yɔ̈ɔ̈k an, ‘Duökï kɔc ke Mowap yɔŋ, ku duökï keek köör akɔ̈ɔ̈k, në biäk cän week bï gäm tëthiinakäŋ ë pinyden yic, yɛn cï Ar gäm wɛ̈ɛ̈t ke Lɔt ke ye këden.’ ”

Nyöŋ 32:8

Bɛ̈nydït Awärjäŋ yen ee juöör gäm piny bï kek rëër thïn, ee të bïï kɔc ceŋ kedhie tek. Ku Yen ee jur ëbɛ̈n miɔɔc në wɛ̈ɛ̈t ke Nhialic.

Nyöŋ 4:17

ayï läi roor, ayï diɛt nhial,

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Nyöŋ 9:29

Ku aŋic, nɔn ye kek kɔckuön cï lɔc bï aa kɔcku, cï ke bɛ̈ɛ̈i bei ë Rip në riɛlduön dït.’

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”