Jeremia 27:22 - JAM DE NHIALIC 2011

²² Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 27:22 ပူးပေါင်းရင်းမြစ်များ

2 Mel 25:13

Go kɔc ke Babilon mëën ke maläŋ, ku thɛ̈k ke maläŋ, ku lɔ̈ɔ̈r de maläŋ, ɣɔn nu Luaŋdït dhuööŋ ëbɛ̈n, ku jɔtkï malɔ̈ɔ̈ŋ leerkï ke Babilon.

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

Edhr 1:11

Kuën ë aduuk ë loi në adhääp ku ateek kedhie ayek aguum kadhïc ku bot kaŋuan 5,400, go Cethabadhar keek tɔ leerë në yen ëtök, të wään bïï yen kɔc ciëën në pɛ̈cic në Babilonia puk kenïïm Jeruthalem.

Edhr 7:19

Ku aduuk wään cï gäm yïn bïï ke guiɛɛk de lɔ̈ŋ aa looi ɣön ë Nhialicdun, abä ke tääu në Nhialic de Jeruthalem nɔm.

Edhr 7:9

Ɣɔn gɔl en jäl në Babilon aaye kööl ye pɛɛi tueŋ thok tök ku jɔ ɣëët Jeruthalem në kööl tueŋ de pɛɛi ë dhïc, ku tɔ̈u athiɛɛi de Bɛ̈nydït ke yen,

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Jeremia 20:5

Ku yɛn bï kɔc ke aterden tɔ rum kuɛth de ee pänydïïtë, nömkï kaken ku wëuken ëbɛ̈n, ayï wëu ke melik de Juda, ku jɔt käŋ ëbɛ̈n leer ke Babilonia.

Jeremia 27:21

“Piɛŋkï kë ë lueel Bɛ̈nydït de rɛm, Nhialic de Yithriɛl, kë lueel në biäk de wëu cï döŋ ë Luaŋdïtic ku ɣön ë bäänyic ë Jeruthalem:

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 32:5

Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Jeremia 34:2

Go Bɛ̈nydït Nhialic de Yithriɛl ya yɔ̈ɔ̈k bä lɔ lɛ̈k Dhedekia melik de Juda an, “Yɛn Bɛ̈nydït, Yɛn bï ee pänydïïtë gäm melik de Babilonia, ku abïï nyuɔp piny.

Jeremia 34:3

Yïn cïï bï ban, yïn bï peec ku gëmë yïn en. Yen abä tïŋ guöp në yïnyin ku jamë wekë yen, ku ëtɛ̈ɛ̈n yïn bïï lɛɛr Babilonia.

Jeremia 34:5

Yïn bï thou ë biöökic, cït man ye kɔc wal ŋïr nyop të ye kek kuarkun tɔ̈ɔ̈u, kɔc wään ye meliik ë yïnɔm tueŋ. Abïk yïn dhiëëu ku luelkï an, ‘Melikda acï thou!’ Acä lueel Yɛn Bɛ̈nydït.”

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.