Jeremia 27:15 - JAM DE NHIALIC 2011

¹⁵ Acïï Bɛ̈nydït lueel nɔn cie yen ë toc keek, ku acaar lueth në rinkï. Ka yen abï we cuɔp wei, ku wek bï nɔ̈k, week në tït ee lueth caar.”

Jeremia 27:15 ပူးပေါင်းရင်းမြစ်များ

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 20:6

Ku yïn Pacur, yïn bïï peec ku leerë yïn Babilonia. Ku yïn bï thou ku tɔ̈ɔ̈u yïn ëtɛ̈ɛ̈n, wekë määthku kedhie, määthkuön wään ye ke lɛ̈k mɛth juëc.’ ”

Jeremia 23:15

“Ku kë luɛɛlkï, Yɛn Bɛ̈nydït de rɛm, në biäk de tït ke Jeruthalem: Abä keek gäm wɛ̈ɛ̈l kec bïk cam, ku wurïï bïk dek, në biäk cï kek, wɛ̈ɛ̈t cïn yic Nhialic wɛ̈ɛ̈t ë baai yic ëbɛ̈n.”

Jeremia 23:21

Go Bɛ̈nydït lueel an, “Yen kën ee tïtkë tooc, ku acïk dhil ŋoot ke ke lɔ. Acïn jam cä gäm keek, ku acïk ŋoot ke ke jam në rinkï.

Jeremia 23:25

Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Jeremia 27:10

Ee lueth yen lɛ̈kkï week, ku abïk week tɔ leerë piny mec në pinydun. Ku wek bä cuöp bei, ku wek bïï riɔ̈ɔ̈k.

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 29:9

Alëkkï week lueth ë rinkï. Akɛ̈n keek tooc. Acä lueel, Yɛn Bɛ̈nydït Awärjäŋ.’

Jeremia 38:22

Në nyuuth yic, yɛn cï diäär wään cï döŋ ɣön ë bääny ë Juda yic ëbɛ̈n, tïŋ ke ke yïn ë keek bäny ke rem de tɔŋ ë Babilonia. Piŋ kë luelkï të jɔ kek lɔ ke ke cath an: ‘Melik acïï määthkɛn piath math, acïk melik tɔ piŋ këden. Ku ënɔɔnë cökke acïk nuɛt ë tiɔ̈kic, acïï ë määthke nyääŋ piny.’ ”

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.