Jeremia 27:12 - JAM DE NHIALIC 2011

¹² Yɛn cï ee këmanë lɛ̈k Dhedekia melik de Juda an, “Gämë rɔt melik de Babilonia. Luööiyë, ku luööiyë kɔcke, ku yïn bï pïïr.

Jeremia 27:12 ပူးပေါင်းရင်းမြစ်များ

Kɛ̈ŋ 1:33

Ku raan ëbɛ̈n, raan ee kë luɛɛl piŋ, abï rëër ë dïu. Abï kony wëi, ku acïn kë bï ye riääc.”

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 21:9

Raan bï rëër në ee pinydïïtë yic abï thou në abätäu, ku cɔk ku në jɔk, ku raan bï lɔ biic ku lee rɔt gäm kɔc ke Babilonia, kɔc cï pänydït tuɔɔk ënɔɔnë, acïï bï nɔ̈k, abïk ban në wëiken.

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 28:1

Në ee ruöön ë yic, në pɛɛi de dhïc ë ruöön ë ŋuan wään ye Dhedekia melik, go Ɣanania wën de Adhur, tiët wun ë Gibiɔn, go jam ke yɛn ë Luaŋdïtic. Go ya yɔ̈ɔ̈k ë kɔc nïïm kedhie ku bäny ke kake Nhialic nïïm.

Jeremia 28:2

An acïï Bɛ̈nydït de rɛm, Nhialic de Yithriɛl lueel an, “Yɛn cï riɛl de melik de Babilonia dhoŋ kɔ̈u.

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Jeremia 42:11

Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.