Jeremia 26:21 - JAM DE NHIALIC 2011

²¹ Na wën cï Jeɣoyakim melik kekë ë remdɛn ë tɔŋ ku bänyke ye piŋ yen kë cï Yuria lueel, acï melik them nɔn bï yen en tɔ näk. Go Yuria ye piŋ, go rɔt kual ë riɔ̈ɔ̈cdït ku le Rip.

Jeremia 26:21 ပူးပေါင်းရင်းမြစ်များ

1 Mel 18:10

Yɛn ë kuëëŋ në rin ke Bɛ̈nydït pïïr, Nhialicdu acïn ciɛɛŋ ayï jur kën ë melik yï tɔ kɔɔr thïn, ku të cïï bɛ̈ny ee ciɛɛŋë ayï jurë ye lueel nɔn liiu yïn pinyde, aye Aɣap luöi gutguut nɔn kën ë yï yök ë yic.

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

2 Lëk 24:21

Melik Jowac acï mat ke kɔc lui Dhekaria kiɛɛr rac, go melik keek yɔ̈ɔ̈k bïk Dhekaria biɔ̈ɔ̈k ë kur në kal ë Luaŋdït yic.

Diɛt 119:109

Yɛn ee pïïrdï kuɔɔn ë ceŋ, ku yɛn kën nɔm määr ë löŋdu.

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Jeremia 26:10

Wën cïï bäny ke Juda kë cï rɔt looi piŋ, gokï röt dap jɔt ɣön ë bääny ku lekkï ë Luaŋdïtic, ku nyuckï të ye kek nyuc thïn, në Kal thoŋ ë Piacë looi.

Jeremia 36:26

Go melik Jerameel wën ë melik yɔ̈ɔ̈k kekë Theraya wën de Adheriɛl ku Celemia wën de Abdeel, bïk tiët Jeremia dɔm kekë Baruk raandɛn ee gär. Ku aacï Bɛ̈nydït keek thiaan.

Jeremia 38:4

Go bäny lɔ tëde melik ku luelkï an, “Yen ee monyë abï dhil nɔ̈k. Në ee jam jiɛɛm en, abï rem de tɔŋ nu ë pänydïtic tɔ pɛ̈l röt wei, ku alui kë cït ee kënë raan ëbɛ̈n, raan cï döŋ ë pänydïtic. Acïï kɔɔr bïï kɔc kony, akɔɔr bï ke luöi buɔ̈t.”

Math 10:23

Ku të yɔŋ kek week ë pänydïïtë, jakï kat lak wun däŋ, wek yɔ̈ɔ̈k ëyic an, We cïï wuöt ke Yithriɛl bï thöl ë nɛ̈m, të ŋootë Wën ë Raan ke kën kɔn bɛ̈n.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 10:39

Raan yök wëike abï wëike mɔ̈ɔ̈r, ku raan mär wëike në biäkdï abï wëike yök.

Math 14:5

Ku aa de piɔ̈u luɔi nɛ̈k en en, ku aa riɔ̈c ë kut ë kɔc tei, aye kɔc tɔ ye tiët yen Jɔn.

Mak 6:19

Go Ɣerodiath Jɔn mɔ̈k ater, akɔɔr luɔi nɛ̈k en en, ku kën lëu ë näk: