Jeremia 25:9 - JAM DE NHIALIC 2011

⁹ ‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 25:9 ပူးပေါင်းရင်းမြစ်များ

2 Mel 24:2

Go Bɛ̈nydït kɔc ee tɔŋ bɛ̈ɛ̈i tuöc Juda, rem de Babilon, ku Thiriya, ku Mowap, ku Amon, bïk bɛ̈n thɔ̈ɔ̈r ë Jeɣoyakim ku bïk Juda lɔ riɔ̈ɔ̈k, cït man cïï Bɛ̈nydït ye lueel, në röl de lïïmke tït ke Nhialic.

2 Lëk 29:8

Ku në biäk de ee kënë Bɛ̈nydït acï gɔ̈th kekë Juda ku Jeruthalem, ku kë cï luöi keek acï raan ëbɛ̈n tɔ riɔ̈c ku tɔ ke mum nïïm. Wek ŋic ee kakë apiɛth.

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 13:3

Bɛ̈nydït ë remdɛn ë tɔŋ ɣɛ̈ɛ̈c yenɔm cie riɔ̈ɔ̈c cɔɔl, bïk tɔŋ ɣeric bɛ̈n biök ku lui këtuc kɔc cï Yen ke gɔ̈th ke keek.

Yith 39:7

Mïth ke mïthkuön kɔ̈k abïï ke lɛɛr ë pɛ̈cic. Abïk lɔ luui ke ke ye rooc baai de melik de Babilonia.”

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Jeremia 1:14

Go lɛ̈k yɛn an, “Riääk abï bɛ̈n ë biäk të lɔ rut, ku abï bɛ̈n ë kɔc ceŋ ee pinyë gup ëbɛ̈n,

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 10:22

Piëŋkï! Thok acï bɛ̈n! Ade awuɔɔu looi ë jur nu të lɔ rut, rem de tɔŋde abï pɛ̈ɛ̈nydït ke Juda tɔ ye jɔ̈ɔ̈r, të bï kɔ̈ɔ̈rgɔl aa ceŋ thïn.”

Jeremia 12:14

Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 20:4

Acïï Bɛ̈nydït lueel guöp an, “Yïn bä tɔ ee këde riɔ̈ɔ̈c tëde yïn guöpdu, ku tëde määthku, ku abä keek tïŋ anäk keek në abätäu de kɔc ke aterden. Yɛn bï kɔc ke Juda kedhie tääu në riɛl de Babilonia ciin, abï kɔc kɔ̈k jɔt ke ke mac leer ke pinyde ku nɛ̈k kɔc kɔ̈k.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:8

“Ku në biäk kën wek këde piŋ, aye Bɛ̈nydït de rɛm lueel an,

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 35:11

Ku wään cï melik Nebukadnedhar wut peec, acuk lueel nɔn bï wok lɔ Jeruthalem, në riɔ̈ɔ̈c riɔ̈ɔ̈c wok në rem de tɔŋ de Babilonia ku rem ë tɔŋ de Thiriya. Yen kë tɔ wo rëër ë Jeruthalem ka.”

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Jeremia 36:29

Go ë Bɛ̈nydït lɛ̈k Jeremia bï lɔ lɛ̈k melik an, “Yïn cï awerek nyop, ku yïn cï Jeremia luɔp an eeŋö gɛ̈ɛ̈r en en nɔn bïï melik de Babilonia bɛ̈n ku riëëk ee pinyë, ku nɛ̈k kɔckë ku läike.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 40:2

Go bɛ̈ny de rem ya lɛɛr tëdäŋ ku lueel an, “Acïï Bɛ̈nydït Nhialic lueel nɔn bï yen ee pinyë riɔ̈ɔ̈k,

Jeremia 43:10

Ku lɛ̈kë keek an, Yɛn Bɛ̈nydït de rɛm, Nhialic de Yithriɛl, Yɛn bï lïmdï Nebukadnedhar melik de Babilonia bɛ̈ɛ̈i ee tënë, ku abï thööcde tääu ee kurkë nïïm, kur cäk keek kuöt nïïmë, ku abï paany de bääny thiɛth ë kenïïm.

Jeremia 46:20

Rip acït weŋ läk, cï ë ruŋ bɔ̈ të lɔ rut mak.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 16:40

“Abïk kuut de kɔc yɔ̈ɔ̈k bïk yïn biɔ̈ɔ̈k, ku abïk yïn tɛm ë thïïm në abätɛ̈ɛ̈uken.

Edhekiɛl 21:11

Abätäu agɔk, ke bï jɔ piath ke luɔi. Acï theer thok ku gɔk, ke jɔ tääu në kɔc ee näk cin.

Edhekiɛl 26:7

Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Ɣabakuk 1:17

Bïk abätɛ̈ɛ̈uken jɔ muk ananden, ku kurkï juöör të cïn kokdepiɔ̈u?

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.