Jeremia 25:35 - JAM DE NHIALIC 2011

³⁵ Tïït acïn kueer bä wek röt kual.

Jeremia 25:35 ပူးပေါင်းရင်းမြစ်များ

Jop 11:20

Ku nyïïn ke piɔ̈ɔ̈th ke kɔc ee karɛc looi acïkï ee bɛ daai, acïkï kuɛɛr ke bän ee bɛ yök, ku jäl ë wëiken yen aŋäth töŋdɛn cï döŋ.

Diɛt 142:4

Të tiëŋ yɛn yalɔ̈ɔ̈m, aya yök ke cïn raan kony yɛn, acïn raan gël yɛn. Acïn raan ee diɛɛr në yɛn.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 25:36

Piŋ dhiën de kɔc ee tïït, piŋ awuɔɔu de kɔc wat thök, Bɛ̈nydït ariäk tëdɛn ë nyuäth.

Jeremia 32:4

ku melik Dhedekia acï bï ban. Abä gäm melik de Babilonia, abïï melik tïŋ guöp ë yenyin ku abï jam ke yen.

Jeremia 34:3

Yïn cïï bï ban, yïn bï peec ku gëmë yïn en. Yen abä tïŋ guöp në yïnyin ku jamë wekë yen, ku ëtɛ̈ɛ̈n yïn bïï lɛɛr Babilonia.

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Jeremia 38:18

Ku na kën ë rɔt gam, ka ee pänydïïtë abïï gäm kɔc ke Babilonia, ku abïk nyuɔp piny, ku yïn cïï bï ban tëde keek.”

Jeremia 38:23

Aguɔ jɔ bɛ lueel an, “Diäärkun kedhie ku mïthkun abïï keek lɛɛr biic tëde kɔc ke Babilonia, ku yïn guöpdu yïn cïï bï ban tëde keek. Wek bïï jɔt ke we mac në melik de Babilonia, ku pänydïïtë abïï nyuɔp piny.”

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Edhekiɛl 17:15

Ku melik de Juda acï löŋ bɛ̈n rɛɛc, ku tooc kɔcke Rip bïk yen lɔ yiɛ̈n jöŋgöör ku remdïït de tɔŋ. Bïï tiam? Duëër jäl kekë ee kakë? Acïï löŋ cï mac duëër dhoŋ kɔ̈u ku jiël ke cïï luiyë këtuc!

Edhekiɛl 17:18

Acï gutguutde dhoŋ kɔ̈u, kekë löŋ cï mac. Acï ee kakë looi kedhie, ku ënɔɔnë acïï bï poth.”

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Amoth 2:14

Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.