Jeremia 25:33 - JAM DE NHIALIC 2011

³³ Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 25:33 ပူးပေါင်းရင်းမြစ်များ

2 Mel 9:37

Ku guöp de Jedhebel, abï ciët wɛ̈ɛ̈r ë weŋ ë tiɔp nɔm domic, në aken ë Jedhreel nɔm, ku acïn raan bï ye ŋic ku cïn raan bï ye lueel an ee guöp de Jedhebel ee kënë.”’

Diɛt 79:3

Acïk rim ke kɔcku tɔ kuëër cït pïïu, riɛm aa wat cït man ë pïïu ë Jeruthalem yic ëbɛ̈n, ku acïn raan töŋ cï döŋ bïï kɔc cï thou tɔ̈ɔ̈u.

Diɛt 83:10

Acï keek tiaam në Endor, ago gupken bɛ̈n dhiap piny.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Edhekiɛl 21:11

Abätäu agɔk, ke bï jɔ piath ke luɔi. Acï theer thok ku gɔk, ke jɔ tääu në kɔc ee näk cin.

Edhekiɛl 29:4

Yɛn lɔ alabithɔ tääu në yeŋeep ku ta rec tɔ̈u në kiɛɛrku yiic pɛt röt në yïguöp. Ku yïn bä jɔ miëët bei Kiir, në rec cï röt pat ë yïguöp ëbɛ̈n.

Edhekiɛl 29:5

Yïn bä cuat wei në jɔ̈ɔ̈ric wekë rec cï röt pat ë yïguöp ëbɛ̈n. Guöpdu abïï dhɔt piny ke cïn raan tɔ̈ɔ̈u en. Abä tɔ cuet ë läi roor ku ŋueet diɛt ke ye këcamden.

Dhep 2:12

Ku Bɛ̈nydït aya abï kɔc ke Ethiopia nɔ̈k.

Nyuuth 11:9

Ku kɔc kɔ̈k ë kɔc yiic ku dhiëën yiic ku thook yiic ku juöör yiic abïk gupkɛn cï thou aa woi ë nïn kadiäk ku biäk, ku cïkï gupken pɛ̈l täu tɛ̈ɛ̈uwë keek ë raŋic.