Jeremia 25:32 - JAM DE NHIALIC 2011

³² Aye Bɛ̈nydït de rɛm lueel nɔn bï riääk bɛ̈n ë juöör gup ke ke kuany kecök, ku amaŋdï akut rɔt në aguuk ke piny yic.

Jeremia 25:32 ပူးပေါင်းရင်းမြစ်များ

2 Lëk 15:6

Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 34:2

Bɛ̈nydït agöth kekë juöör kedhie, ku rɛmkɛn ke tɔŋ ëbɛ̈n. Acï ke tɔ ye kɔc bïï nɔ̈k.

Yith 5:28

Wiɛth ke dhɛ̈ŋken amothkï, ku acï röt guiir ke ke muc. Ku miɔt ke jöŋgöörken arilkï ëtör cï kuur, ku cök ke abëël ke jöŋgöörken ayek wïc cï kɔɔr.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Jeremia 23:19

Agönhde ee amaŋdït, ee yomdïït bï lööny ë kɔc ee karɛc looi nïïm,

Jeremia 30:23

Agönh de Bɛ̈nydït acï bɛ̈n, acït yom ë kɔɔr, abï lööny ë kɔc ee karɛc looi nïïm.

Jeremia 6:22

Aye Bɛ̈nydït lueel an, “Kɔc abïkï piny nu të lɔ rut, jur ril mec arëët aguiir tɔŋ.

Jeremia 6:23

Acïk dhɛ̈ŋken ku tɔɔŋken nööm, ayek kɔc kec piɔ̈ɔ̈th ku cïnkï kokdepiɔ̈u. Të ciɛth kek ë jöŋgöörken kɔ̈ɔ̈th, ayek wuur cï awuööu de wɛ̈ɛ̈r. Acïk röt guiir në luöi bï kek nyan de Dhiɔn mak.”

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Luk 21:10

Go keek yɔ̈ɔ̈k an, “Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë.

Luk 21:25

Ku kagöök abïk tïc ë akɔ̈l nyin, ku pɛɛi nyin, ku kuɛl nyïïn, ku në piny nɔm jiɛthëpiɔ̈u abï nu ë juöör yiic, ku mumënɔm, wɛ̈ɛ̈r abï awuööu de apiöök amaŋ thïn.