Jeremia 25:29 - JAM DE NHIALIC 2011

²⁹ Yɛn bï luɔidiën ë riääk gɔl ë pänydïïtdï. Yek tak bïk jäk ke kën luöi këtuc? Ei, abïï keek luöi këtuc, Yɛn lɔ tɔŋ tuöc kɔc ke piny nɔm kedhie. Acä lueel, Yɛn Bɛ̈nydït de rɛm.

Jeremia 25:29 ပူးပေါင်းရင်းမြစ်များ

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

Kɛ̈ŋ 11:21

Ŋiɛckï ëgɔk nɔn cïï kɔc ee karɛc looi bï pɔ̈l ke ke kënë kuum, ee kɔc piɛth piɔ̈ɔ̈th kek bï kony wëi.

Kɛ̈ŋ 11:31

Na ye kɔc piɛth piɔ̈ɔ̈th ariöp yök ee pinyë nɔm, ke kɔc ee wäc ku kɔc ee karɛc looi acïï ke bï pɔ̈l.

Kɛ̈ŋ 17:5

Raan ee kɔc kuanynyïïn dɔl gup, alɛ̈ɛ̈t Aciëŋden, ku paan cieŋ nɔk në riäŋ de paan däŋ acïkï bï tɔ̈u ke ke kënë kuum.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Jeremia 13:13

Ku lëkkë keek aya an Yɛn, Yɛn Bɛ̈nydït, Yɛn bï kɔc ke ee pinyë thiɔ̈ɔ̈ŋ ë mɔ̈u abïk wiɛɛt: Meliik, kek mïth ke wɛ̈ɛ̈t ke Debid, ku bäny ke kake Nhialic, ku tït, ku kɔc ke Jeruthalem kedhie.

Jeremia 19:3

Go ë Bɛ̈nydït lɛ̈k yɛn bä lueel an, “Meliik ke Juda, ku kɔc ke Jeruthalem, piɛŋkï kë lueel ë Bɛ̈nydït de rɛm, Nhialic de Yithriɛl. Yɛn bï riääkdït bɛ̈ɛ̈i ee tënë, ku raan ëbɛ̈n raan raan lɔ ee riäŋë piŋ abï nɔm mum.

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Jeremia 46:28

Yɛn bï bɛ̈n tëde week ku kuɔny week. Yɛn bï juöör riɔ̈ɔ̈k ëbɛ̈n, të cän week thiäi piny, ku wek cä ke bï riɔ̈ɔ̈k. Ku we cä bï pɔ̈l ke we kën luöi këtuc, ku të lan week luöi këtuc, abä looi arɔ̈ŋ. Acä lueel, Yɛn Bɛ̈nydït.”

Jeremia 49:12

“Na cï kɔc cïï duëërë luöi këtuc, na cï keek guɔ luöi këtuc, yak tak ë wenïïm nɔn duɛ̈ɛ̈r wek ban ke we cïï luiyë këtuc? Ei, we bïï dhil luöi këtuc!

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 38:21

Yɛn bï Gok riääc në kuat de riääk tuc thok. Acä lueel, Yɛn Bɛ̈nydït Awärjäŋ. Kɔcke abïk abätɛ̈ɛ̈uken pɔ̈k röt kapäc.

Edhekiɛl 9:6

Näkkï röördït, ku dhuök, ku diäär kor, ku märken ke mïth, ku mïth. Ku duökï raan de nɔm kït jak. Galkï thar eenë tëɣeric.” Agokï gɔl në bäny ë kääc ëtɛ̈ɛ̈n Luaŋdït.

Obadaya 1:16

Kɔckï acïk këtuc thok thiëëp në kuurdiën ɣeric nɔm, në biäk cän ke luöi këtuc. Ku juöör kedhie abïk këtuc thiëëp, këtuuc wär ee kënë ë caŋɣɔn, në biäk cän keek kuum ayadäŋ. Abïk këtuc thiëëp ka abïk ciët ka kën kɔn tɔ̈u ë pinynɔm.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Luk 23:31

Ku na loikï kake ë tim tiɔpic, eeŋö bïk looi në tim cï riɛlic?”

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?