Jeremia 25:18 - JAM DE NHIALIC 2011

¹⁸ Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 25:18 ပူးပေါင်းရင်းမြစ်များ

1 Mel 8:24

Yïn ë löŋduön cï thɔ̈n wäär Debid raanduön ee Yï luööi döt. Ee Yïn aa thɛn e piny në Yïthok guöpdu, ku acï tɔ ye yic në Yïcin cït nɔn nu yen ee köölë.

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

2 Lëk 29:8

Ku në biäk de ee kënë Bɛ̈nydït acï gɔ̈th kekë Juda ku Jeruthalem, ku kë cï luöi keek acï raan ëbɛ̈n tɔ riɔ̈c ku tɔ ke mum nïïm. Wek ŋic ee kakë apiɛth.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Neɣe 9:36

Ku ënɔɔnë wok ee lïïm piny ee yen ë gämë wook, piny ŋic luɔk, ee wo gäm kacaam.

Diɛt 60:3

Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Yith 40:23

Go bäny ril ëtör bɛ̈ɛ̈i piny ku jɔ ke cïn naamden.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 1:10

Në ye köölë yïn cä gäm riɛl në juöör nïïm ku në ciɛɛŋ nïïm, bä ke nyuän bei ku thuöörë ke piny, ku riäk keek ku wit keek, ku yïk keek ku com keek.”

Jeremia 13:3

Go jam de Bɛ̈nydït bɛ bɛ̈n të de yɛn an,

Jeremia 13:9

“Yen kueer bän lɛc de Juda riɔ̈ɔ̈k kï kekë lɛcdïït de Jeruthalem.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:11

Yen ee pinyë ëbɛ̈n abï nyääŋ piny ke cï riääk, ku ye të rac ë tïŋ, ku juöör thiääk ë week abïk melik de Babilonia aa luööi në run kathiërdhetem.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Edhekiɛl 30:7

Ku piny abï aa piny cïn yic kɔc ë pinynɔm, ku pɛ̈ɛ̈nydïtke abïï ke nyääŋ piny ke ke cï riääk taitai.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Jocua 6:18

Duökï de kë bäk nööm, në ka bï ke riɔ̈ɔ̈kiic, të la wek nööm thïn wek bï riääk bɛ̈ɛ̈i wun ë Yithriɛl.

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?