Jeremia 25:15 - JAM DE NHIALIC 2011

¹⁵ Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 25:15 ပူးပေါင်းရင်းမြစ်များ

Jop 21:20

Në ke tïŋ riäŋden në nyïïnken, ku yökkï thok yen agönh Nhialic Awärjäŋ.

Diɛt 11:6

Ago kɔc rac tuöc lɔ̈k de many de cool, ku tuc keek thulpur dɛ̈p, ku lui keek këtuc në yom de kupiör.

Diɛt 60:3

Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Diɛt 75:9

Ku yɛn cï bï mɔ̈l ë jam, në biäk de Nhialic ë Jakop, ayï luöi bän yen piɔɔny ë diɛt.

Yith 14:26

Kiɛɛrdï kï në biäk de piny nɔm, köŋdï acä jat nhial bä këtuc luöi juöör.”

Yith 34:2

Bɛ̈nydït agöth kekë juöör kedhie, ku rɛmkɛn ke tɔŋ ëbɛ̈n. Acï ke tɔ ye kɔc bïï nɔ̈k.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Yith 51:23

Abä gäm kɔc ee we yɔŋ, kɔc ee we tɔ tɔ̈c piny ë kuɛɛr yiic ku jɔkï we duöm piny abäk ciët tiɔ̈k.”

Jeremia 1:5

“Yïn aa lac ke yï kɛ̈n kɔn gäm wëi, yïn aa thiɛɛi, ke yï kënë kɔn dhiëëth, yïn aa mɛɛk ke yï bï ya tiët de juöör ëbɛ̈n.”

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Jeremia 43:11

Nebukadnedhar abï bɛ̈n ku riëëk piny de Rip. Ku gɛm kɔc cï gäm thuɔɔu ë jɔk abïk lɔ thou, ku kɔc cï gäm pɛ̈c, abïï ke peec, ku kɔc cï gäm nääk, abïk ke nɔ̈k ë abätäu.

Jeremia 45:5

Ee luɔi mɛɛn yen kɔɔr bïï luöi yïn pei? Du ee kënë loi. Yɛn bï riääk bɛ̈ɛ̈i në kɔc ke piny nɔm gup ëbɛ̈n, ku yïn bï aa ban we wëiku, të bïï yïn aa lɔ thïn ëbɛ̈n. Acä lueel, Yɛn Bɛ̈nydït.”

Jeremia 46:1

Go Bɛ̈nydït jam ke tiët Jeremia ë biäk de juöör,

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Jeremia 49:12

“Na cï kɔc cïï duëërë luöi këtuc, na cï keek guɔ luöi këtuc, yak tak ë wenïïm nɔn duɛ̈ɛ̈r wek ban ke we cïï luiyë këtuc? Ei, we bïï dhil luöi këtuc!

Jeremia 51:7

Babilonia aa cït cum de adhääp në yaciin, ta Yɛn juöör ëbɛ̈n wiɛɛt. Juöör acïk mɔ̈nde thiic, ku jɔkï nïïm guɔ riääk.

Edhekiɛl 23:32

Aye Bɛ̈nydït Awärjäŋ lueel an, “Yïn bï dek në abïny de nyankui, adït yic ku thuth. Kɔc ëbɛ̈n abïk yïn aa bui ku biɔnkï yïguöp, abïny athiäŋ.

Edhekiɛl 23:33

Abï yïn tɔ rac ku wit yïn, yen abïny de riɔ̈ɔ̈c ku riääk, abïny de nyankui Thamaria.

Edhekiɛl 29:12

Yɛn bï Rip tɔ ye piny cï pɔ̈l ë pinynɔm. Në run kathiërŋuan yiic pɛ̈ɛ̈nydït ke Rip abïk dhɔt piny ke ke cï riɔ̈ɔ̈k, ë riääk wär riääk de pɛ̈ɛ̈nydït kɔ̈k.” Yɛn bï kɔc ke Rip tɔ kök. Abïk kat ke ke lɔ në juöör kɔ̈k yiic ku rëërkï ë kɔc kɔ̈k yiic.

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Obadaya 1:16

Kɔckï acïk këtuc thok thiëëp në kuurdiën ɣeric nɔm, në biäk cän ke luöi këtuc. Ku juöör kedhie abïk këtuc thiëëp, këtuuc wär ee kënë ë caŋɣɔn, në biäk cän keek kuum ayadäŋ. Abïk këtuc thiëëp ka abïk ciët ka kën kɔn tɔ̈u ë pinynɔm.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 14:19

Go tunynhial menyjelde ɣaak ë piny nɔm, ku kut mïth ke enap nïïm, enap de piny nɔm, go ke cuat ë gök de këdäŋic kën ee mïth ke enap dhiim thïn aye mɔ̈u, mɔ̈n ë agönh tuc de Nhialic.