Jeremia 25:11 - JAM DE NHIALIC 2011

¹¹ Yen ee pinyë ëbɛ̈n abï nyääŋ piny ke cï riääk, ku ye të rac ë tïŋ, ku juöör thiääk ë week abïk melik de Babilonia aa luööi në run kathiërdhetem.

Jeremia 25:11 ပူးပေါင်းရင်းမြစ်များ

2 Lëk 36:20

Ku jɔt kɔc cï poth në abätäu thok leer keek Babilon, bïk yen lɔ luööi ke ke ye lïïmke ku lïïm ke käude agut cï bɛ̈n de Perthia nhial.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 25:38

Bɛ̈nydït acï kɔcke nyääŋ piny cït man ë köör cï köŋde nyääŋ piny. Riɔ̈ɔ̈cdïït de tɔŋ ku agönh tuc de Bɛ̈nydït acï wut puk ke ee jɔ̈ɔ̈r.

Jeremia 27:22

Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 28:14

Acïï Bɛ̈nydït de rɛm, Nhialic de Yithriɛl lueel, abï wai de wëëth tääu në ee juöörkë yiëth kedhie, ku abïk melik Nebukadnedhar de Babilonia aa luööi. Acïï Bɛ̈nydït lueel nɔn bï yen läi roor tɔ luui Nebukadnedhar.”

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 4:26

Piny wään ee luɔk acï rɔt puk ke ye jɔ̈ɔ̈r, pɛ̈ɛ̈nydïtke acï ke riɔ̈ɔ̈k në biäk de agönh tuc de Bɛ̈nydït.

Jeremia 4:27

(Aa cïï Bɛ̈nydït lueel nɔn bïï piny nɔm aa dhuur, ku lueel nɔn cïï Yen en bï riɔ̈ɔ̈k taitai.)

Jeremia 43:10

Ku lɛ̈kë keek an, Yɛn Bɛ̈nydït de rɛm, Nhialic de Yithriɛl, Yɛn bï lïmdï Nebukadnedhar melik de Babilonia bɛ̈ɛ̈i ee tënë, ku abï thööcde tääu ee kurkë nïïm, kur cäk keek kuöt nïïmë, ku abï paany de bääny thiɛth ë kenïïm.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Edhekiɛl 12:19

lɛ̈kë jur ëbɛ̈n an kënë ee jam de Bɛ̈nydït Awärjäŋ, jam lëk kɔc ke Jeruthalem ŋoot ke ke rɛ̈ɛ̈r pinyden: Abïï ke lath të ciëm kek, ku lɛthë keek në riɔ̈ɔ̈c të dek kek pïïu. Pinyden abï döŋ ke cïn kë tɔ̈u thïn, në biäk liiu ë löŋ tëde kɔc rɛ̈ɛ̈r thïn.

Edhekiɛl 29:11

Acïn mɛnh ë raan ayï lɛ̈n bï tëëk ëtɛ̈ɛ̈n. Në run kathiërŋuan yiic acïn kë bï ceŋ ëtɛ̈ɛ̈n.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.

Lebai 26:32

Yɛn bï pinydun riɔ̈ɔ̈k liŋliŋ, ka kɔc dɛ wek ater rɛ̈ɛ̈r ëtɛ̈ɛ̈n abïk gäi aläl në riääk cït ee kënë.

Maika 7:13

Ku piny abï ya jɔ̈ɔ̈r, në biäk cïï kɔc cieŋ en kërac looi.

Dhek 1:12

Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?