Jeremia 24:7 - JAM DE NHIALIC 2011

⁷ Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 24:7 ပူးပေါင်းရင်းမြစ်များ

2 Lëk 6:38

Na cïk kepiɔ̈ɔ̈th puk ë yic në piɔ̈nden ëbɛ̈n ee piny cï ë keek lɛɛr thïn ke ke cï peec, ku lɛ̈ŋkï ke ke wel kenïïm piny cï gäm kuarkuɔ, ku wëlkï kenïïm pänydït cï lɔc, ku welkï kenïïm Luaŋdït cä yiɛ̈k yïnë,

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 30:22

Abïk aa kɔckï, ku Yɛn bï aa Nhialicden. Acä lueel, Yɛn Bɛ̈nydït.”

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Edhekiɛl 11:17

“Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Edhekiɛl 14:11

Yɛn bï ee kënë looi ago baai de Yithriɛl tɔ̈u në yɛn ke ke cïï ya bï nyääŋ piny ku riäkkï röt në awɛ̈ɛ̈c. Abïk dhil aa kɔckï ku yɛn bï aa Nhialicden.” Bɛ̈nydït Awärjäŋ yen aa jam.

Edhekiɛl 16:62

Yɛn bï mändï bɛ looi wo yïn, ku abä ŋic nɔn ee yɛn Bɛ̈nydït.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Edhekiɛl 37:27

Yɛn bï rëër ëtɛ̈ɛ̈n wo keek, ku Yɛn bï aa Nhialicden ku abïk aa kɔckï

Edhekiɛl 39:22

Abïï baai de Yithriɛl jɔ ŋic ënɔɔnë lee tueŋ, nɔn ee Yɛn Bɛ̈nydït Nhialicden.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Dhek 8:8

ku abä keek bɛ̈ɛ̈i ciëën piny të lɔ aköl amiäk ku aköl athɛ̈i, ku abïk bɛ̈n rɛ̈ɛ̈r ë Jeruthalem. Abïk aa kɔckï, ku yɛn bï ya Nhialicden. Ku abä keek cieŋ në yic, ku piathëpiɔ̈u.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Ɣeberuu 8:10

Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”